Здароўе

Эпідэмія грыпу ў Мінску адмяняецца

Сёлета ў сталіцы, верагодна, не будзе эпідэміі грыпу, паведаміла загадчыца эпідэміялагічнага аддзела Мінскага гарадскога цэнтра гігіены і эпідэміялогіі Алена Фісенка 25 студзеня на прэс-канферэнцыі.

Паводле яе слоў, такую выснову можна зрабіць зыходзячы з захворвання на ВРІ, узровень якога ў Мінску на 20% ніжэй, чым у аналагічны перыяд мінулага года, і адпавядае звычайнаму ўзроўню сезоннага захворвання для гэтага часу. Сёння ў горадзе цыркулююць выключна негрыпозныя вірусы: адэнавірусы, рынавірусы і вірус парагрыпу. Вірусы грыпу пакуль не ідэнтыфікаваны ні ў аднаго захварэлага, адзначыла Фісенка. Фіксуецца «вельмі невысокі ўзровень» шпіталізацыі з ВРІ ў параўнанні з папярэднім сезонам.

«Улічваючы, што сёння ўжо канец студзеня, і мы бачым, што цыркуляцыя вірусаў грыпу так і не пачалася, то мы мяркуем, што ёсць усе шансы пазбегнуць сёлета эпідэмічнага ўздыму захворвання», — заключыла спецыяліст. Звычайна цыркуляцыя вірусаў грыпу пачынаецца за тры-чатыры тыдні да фарміравання эпідэмічнага ўздыму. Фісенка лічыць малаверагодным распаўсюджванне вірусу грыпу ў больш познія тэрміны ў параўнанні са звычайнымі: вірус гіне на сонцы, якое з набліжэннем вясны паказваецца ўсё часцей.

Медык адзначыла, што на яе памяці ў Мінску толькі адзін раз удалося пазбегнуць эпідэмічнага ўздыму захворвання на грып, але былі гады, калі эпідэмічны ўздым быў «вельмі вялы».

Фісенка звязвае спрыяльнае эпідэміялагічнае становішча з высокім узроўнем вакцынацыі сталічных жыхароў. У гэтым сезоне прышчэпку атрымалі 31,5% мінчан, амаль чвэрць — за кошт прадпрыемстваў і арганізацый. Медык таксама спадзяецца, што падзейнічала інфармацыйна-тлумачальная праца, і людзі з прыкметамі ВРІ лічаць за лепшае заставацца дома, а не распаўсюджваць інфекцыю. Акрамя таго, стрымліванню распаўсюджвання інфекцый садзейнічала сухое надвор’е і той факт, што тры апошнія гады цыркулююць адны і тыя ж вірусы, і ў многіх ужо выпрацаваўся да іх імунітэт.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць