Апроч таго, увекавечаць імёны акадэміка Карскага і кампазітара Юрыя Семянякі.
Хто і якім чынам прыдумляе назвы для новых сталічных вуліц, шмат у чым загадка. Мінчукі не разоў звярталіся ў профільную гарадскую камісію з просьбай назваць адну з вуліц у гонар Васіля Быкава, іншых вядомых беларусаў, імёны якіх незаслужана ігнаруюцца. Пасля трагічнай смерці Руслана Салея многія прапанавалі ўвекавечыць у горадзе і яго імя. Але пакуль такое рашэнне не прынята. На падыходзе чарговая «партыя» вуліц, якім трэба прыдумаць назвы. Што прапанаваў Мінгарвыканкам?
Пра ідэі спецыялістаў піша «Мінскі кур'ер».
Большасць новых вуліц знаходзяцца ў мікрараёнах Ржавец (Лебядзіны), Сухарава, Вялікі Лес.Калі мінчукі ўхваляць прапановы камісіі, то неўзабаве дзве вуліцы будуць звацца ў гонар аграгарадкоў:
— праектуемая вул. №1 ад вул. Ціміразева да праектуемай вул. №3 — вул. Княгінінская, у гонар аграгарадка Княгінін, што ў Мядзелскім раёне;
— праектуемая вул. №5 ад праектуемай вул. №1 да вул. Нарачанскай — вул. Іллянская, у гонар аграгарадка Ілля ў Вілейскім раёне.
Таксама ў Ржаўцы з'явяцца вуліцы Камайская (у гонар Камайскага возера), вул. Мястроўская (па імені возера Мястра) і вул. Браслаўская.
У мікрараёне Вялікі Лес з'явіцца вуліца Герояў Сталінграда. Прапануецца назваць існуючы праезд паміж вул. акадэміка Купрэвіча і Францыска Скарыны вуліцай Праграмістаў (у гонар Парка высокіх тэхналогій).
У Сухарава можа з'явіцца вуліца акадэміка Карскага (вядомы навуковец, этнограф, філолаг) і вуліца Юрыя Семянякі (кампазітар, народны артыст БССР).
Нарэшце, праектуемую вуліцу №1 (пройдзе ад вул. Герояў 120-й дывізіі да вул. Рагачоўскай) прапануюць назваць вуліцай курсанта Гвішыяні у гонар 21-летняга хлопца, які ў 1999 годзе кінуўся тушыць пасажырскі цягнік, які які загарэўся ў раёне станцыі Драгічын, па-геройску загінуў. Цікава, што
такая вуліца ў горадзе ўжо ёсць, праўда, на закрытай тэрыторыі ваеннага гарадка.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль1
Каментары