За апошні год у Беларусі павялічылася колькасць мужчын, якія жадаюць атрымаць кансультацыю па пытаннях бяспечнага выезду за мяжу па праграме «Ла Страда» міжнароднага грамадскага аб’яднання «Гендарныя перспектывы».
Як паведаміла кіраўнік праграмы Алена Несцярук, калі да мінулага года кожны пяты з тых, хто звяртаўся па кансультацыю, быў мужчынам, то ў 2011 годзе — амаль кожны трэці. Калі раней больш увагі надавалася жанчынам як патэнцыяльным ахвярам гандлю людзьмі, то зараз намаганні супрацоўнікаў праграмы скіраваны і на мужчын. Яны традыцыйна часта выязджаюць за мяжу і павінны клапаціцца пра сваю бяспеку, лічыць спецыяліст.
З 2001 года праграма «Ла Страда» атрымала больш за 17,5 тыс. зваротаў ад грамадзян па пытаннях бяспечнай міграцыі па гарачай лініі і электроннай пошце. З пачатку года ў праграму паступілі 143 звароты па электроннай пошце. Найбольшая колькасць пытанняў тычыцца працаўладкавання за мяжой — амаль чвэрць ад усіх, а таксама
Найбольш папулярнымі краінамі прызначэння для беларускіх грамадзян з’яўляюцца Расія (20,3), Германія (12,6%), Польшча (5,6%), ЗША і Егіпет (па 4,9%).Па кансультацыю ў праграму звяртаюцца як беларусы, якія збіраюцца выехаць за мяжу, так і тыя, хто апынуўся ў крызіснай сітуацыі за мяжой. У ліку краін, дзе была аказана дапамога пацярпелым ад гандлю людзьмі беларусам, — Расія, Іспанія, Ізраіль, Польшча, Турцыя, Індыя і Кіпр, а таксама сама Беларусь.
Прадстаўнік праграмы нагадала, што з 1 мая 2011 года пачаў працаваць кароткі нумар 113 па бяспечным выездзе і знаходжанні за мяжой. Статыстычны ўлік звестак вядзецца з 1 верасня 2011 года. Усяго за гэты час на лінію паступіла 790 тэлефанаванняў ад грамадзян. Часцей за ўсё цікавяць пытанні працаўладкавання за мяжой — 45,5% ад агульнага ліку тэлефанаванняў, а таксама інфармацыя пра карысныя адрасы і тэлефоны за мяжой і ў Беларусі, куды можна звярнуцца ў выпадку ўзнікнення небяспекі, — 13,4%
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку17
Каментары