У галерэі імя М.Савіцкага, што месціцца ў Музеі гісторыі горада Мінска, прайшлі дабрачынныя дзіцячыя чытанні «МЫ чытаем!».
На невялічкі час галерэя ператварылася ва ўтульную ферму, дзе жыве кароўка Мама МУ і яе сябра Крумкач, – падчас мерапрыемства адбылася прэзентацыя кнігі шведзкай пісьменніцы Юі Вісландэр «Мама Му чытае!».
Чытанні ладзіліся для дзетак, якіх апекуе міжнародны дабрачынны фонд “Шанец”. Яны не толькі ўважліва слухалі казку, але і самі з вялікім задавальненнем удзельнічалі ў неверагодных прыгодах Кароўкі і Крумкача, жвава абмяркоўвалі разам з дарослымі паводзіны і ўчынкі галоўных герояў кнігі. Дзякуючы вядоўцам мерапрыемства, Ірыне Ханунік-Рамбальскай і Андрусю Такіндангу, чытанне ператварылася ў цікавы і захапляльны спектакль.
Казку вядоўцы чыталі па-беларуску – якасны пераклад кнігі Юі Вісландэр адбыўся дзякуючы выдавецтву «Мастацкая лiтаратура».
Асноўная задача доўгатэрміновага дабрачыннага праекту «МЫ чытаем!» – ня толькі выпраўляць дзяцей у захапляльнае падарожжа разам з кніжнымі героямі, але і знаёміць іх з вядомымі людзьмі Беларусі, якія і будуць чытаць маленькім слухачам кніжкі ўголас. Арганізатар мерапрыемства – камунікацыйнае агенцтва АГТ-БЕЛ і заснавальнік праекту Сяргей Ткачоў разлічваюць праводзіць чытанні штомесяц, запрашаючы на іх у тым ліку выхаванцаў дзіцячых дамоў.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары