Рэдактар «Літовского курьера» бароніць дзяржаўных журналістаў ад санкцый ЕС
Уключэнне прапагандыстаў у спіс невыяздных ён называе «парушэннем свабоды слова».
Генеральны дырэктар і галоўны рэдактар газеты «Літовскій курьер» Валерый Траццякоў, які ўдзельнічае ў VII Беларускім міжнародным медыяфоруме «Партнёрства ў імя будучыні: мадэлі новай эпохі» ў Мінску, заклікаў калегаў прыняць заяву аб недапушчальнасці санкцый Еўрасаюза ў адносінах да работнікаў дзяржаўных СМІ Беларусі.
«Абвінаваціўшы шэраг нашых калегаў у дачыненні да парушэнняў міжнародных выбарчых стандартаў на прэзідэнцкіх выбарах 19 снежня 2010 года, а таксама ў сімпатыях да суровых мер у дачыненні да беларускай апазіцыі, ЕС абмежаваў права на ўезд пэўным беларускім журналістам, — гаворыцца ў праекце дакумента. --
Мы, замежныя ўдзельнікі медыяфоруму, выказваем салідарнасць з беларускімі калегамі і лічым непрымальнымі мову санкцый у міжнародных адносінах у прынцыпе і ў прыватнасці абмежаванне свабоды ў перасоўваннях і доступе і атрыманні інфармацыі журналістаў і выкананні іх службовага абавязку».
Ініцыятыву Траццякова падтрымаў карэспандэнт тэлеканала Russia Today Аляксандр Гурнов, які зачытаў праект заявы.
Як лічыць Траццякоў, «гэта самы ганебны акт, які прынялі кіраўнікі Еўрасаюза ў дачыненні да журналістаў Беларусі». «Не думаю, што гэтая рэзалюцыя будзе з шэрагу „пагаварылі і забыліся“. З дапамогай Міністэрства інфармацыі Беларусі будуць падрыхтаваны пэўныя дакументы. Яны будуць разасланыя ў саюзы журналістаў краін СНД і Балтыі. І мы з гэтымі дакументамі будзем звяртацца ў еўрапейскія арганізацыі і інстанцыі» , — заявіў ён у інтэрв’ю БелаПАН.
Варта адзначыць, што Валерый Траццякоў мае беларускія дзяржаўныя ўзнагароды.
У сакавіку 2011 года рэдактар літоўскай расейскамоўнай газеты быў адзначаны Медалём Францыска Скарыны «за ўнёсак ва ўмацаванне і развіццё прыязных адносін і супрацоўніцтва паміж сродкамі масавай інфармацыі Беларусі і Літвы». Тым «унёскам» многія палічылі вялікае інтэрв’ю з Лукашэнкам,якое Траццякоў, апублікаваў у сваёй газеце ў кастрычніку 2010 года. Новы чын Траццякова «цягне», як мінімум, на ордэн.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары