Кіраўнік МВФ, што заклікала грэкаў плаціць падаткі, вызваленая ад падаткаабкладання.
Кіраўнік МВФ Крысцін Лагард выклікала абурэнне міжнароднай супольнасці пасля таго, як у інтэрв’ю газеце The Guardian паведаміла, што грэкі павінныя спраўна плаціць падаткі, у той час як сама іх не плаціць.
Яе заробак у памеры $467,94 тыс. у год плюс $83,76 тыс. дадатковай дапамогі ў год не абкладаецца ніякімі падаткамі. Заработная плата Лагард і яе пакет сацыяльных выплат, такім чынам, складаюць больш, чым заробак прэзідэнта ЗША Барака Абамы, які, у сваю чаргу, плаціць падаткі.
Тое ж самае датычыць практычна ўсіх супрацоўнікаў ААН — у артыкуле 34 Венскай канвенцыі аб дыпламатычных адносінах, падпісанай 187 дзяржавамі, гаворыцца: «Дыпламатычны агент вызваляецца ад усіх падаткаў і збораў, асабістых або маёмасных, дзяржаўных, рэгіянальных або муніцыпальных».
У адпаведнасці з кантрактам Лагард, яна таксама мае права на павышэнне заработнай платы з 1 ліпеня кожнага года падчас свайго знаходжання на пасадзе кіраўніка МВФ.
Многія гады крытыкі скардзіліся, што супрацоўнікі МВФ, Сусветны банк і ААН могуць жыць за кошт вялікага ліку падаткаплатнікаў.
Каментары