У цэнтры Гродна пілуюць дрэвы. Рабочыя кажуць, што з-за фестывалю — фота
Камітэт прыродааховы сцвярджае, што спілавалі толькі хворыя дрэвы.
Новая хваля вайны з дрэвамі пракацілася па Гродна, піша «Твой стыль». Бязлітасная сякера дрывасека прайшлася па самым цэнтры горада. Неяк незаўважна былі выпілаваныя каштаны на рагу вуліцы Савецкай і Кастрычніцкай. Напэўна, мазоліў вока «зялены сябар» чыноўнікам з будынку прафсаюзаў.
А ў панядзелак, 28 траўня, рабочыя замітусіліся на Савецкай плошчы каля Палаца тэкстыльшчыкаў. Спачатку спілавалі адзін каштан, затым — другі. На маё пытанне — «Навошта?» — адзін рабочы адказаў: «Ну, дык… гэта… фестываль, перашкаджаюць».
Маецца на ўвазе чарговы Фестываль нацыянальных культур, які будзе праходзіць у нашым горадзе 1–3 чэрвеня. Міжволі задумаешся: навошта такое мерапрыемства, што нішчыць прыроду?
Праўда, камітэт прыродааховы прытрымліваецца іншай версіі, якую яны і агучылі эколагам — вынішчаюцца толькі старыя і сухія дрэвы, і фестываль тут ні пры чым. Супадзенне.
У гараджан, што праходзілі міма, адразу ўзнікалі пытанні, чаму пра вырубку дрэваў загадзя не паведамілі гарадзенцам, не растлумачылі, напрыклад, у тэлеэфіры? Ці пасадзяць новыя дрэвы на месцы старых? Як паказвае практыка — не. Хутчэй за ўсе, так і застанецца. А наконт дрэваў на вуліцы Савецкай сярод гараджан ходзяць чуткі, што проста расчысцілі месца для аднаго з нацыянальных падворкаў. Але ён праіснуе толькі 3 дні, а дрэвы раслі некалькі дзесяцігоддзяў.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос13
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4949
Каментары