Аўтар плакату «мусарок» выйшаў на свабоду пасля двайной адсідкі.
Аўтар плакату «мусорок» Івана Амельчанка выйшаў на свабоду пасля двайной адсідкі. Пасля прысуду з ім сустракаўся намеснік старшыні ГУУС Менгарвыканкаму Ігар Яўсееў. Размова доўжылася некалькі хвілінаў, ён пытаўся, ці прызнаў Амельчанка сваю віну, аднак пачуў адмоўны адказ.
На сёлетнім «Чарнобыльскім шляху»25-гадовы Іван Амельчанка з самаробным плакатам стаў каля службоўца ў цывільным, які здымаў акцыю на відэа. Жарт маладога чалавека хутка стаўся хітом інтэрнэту, аднак калегі «мусорка» гумару не ацанілі.
Ужо на наступны дзень з ім выказаў жаданне паразмаўляць участковы, аднак не мог патлумачыць, навошта выклікаюць Амельчанку, таму той на спатканне не прыйшоў. Пасля таго, як малады чалавек з’ехаў ад гарадской мітусні ды пакрыўджаных людзей у цывільным на ўлонне прыроды, тэлефанавалі ягонай маці. Жанчыне паведамілі, што ейнага сына выклікаюць як сведку ў справе… масавых беспарадкаў 19 снежня 2010 года. Нагадаем, што справу ўжо даўно закрылі.
Урэшце Іван сам прыйшоў у РАУС. Тут яго і затрымалі ды склалі пратакол паводле артыкулу «дробнае хуліганства».
У судзе Амельчанка настойваў на тым, што насамрэч на плакаце надпіс быў на ангельскай мове: «My cop ok», што можна перакласці як «мой паліцэйскі — у парадку».Але суддзя Міхаіл Хома не паверыў тлумачэнням і асудзіў хлапца на 15 содняў арышту.
30 траўня, Іван Амельчанка меўся выйсці з ізалятара на вул. Акрэсціна ў Менску, аднак яго адразу ж завезлі ў Маскоўскі РАУС, дзе склалі пратакол за хуліганства (арт. 17.1 КаАП). Як і іншых моладзевыя актывістаў, яго ўтрымлівалі за кратамі да заканчэння візіту Уладзіміра Пуціна ў Менск.
«Калі выходзіў 30 траўня, то ў вокнах убачыў, што стаіць «уазік», там амапавец сядзіць і двое ў цывільным. На выхадзе пытаюся ў супрацоўніка ў цывільным:
«вы за мной?» — «за вамі».Спытаўся, у якім месцы я хоць матам лаяўся, а той кажа: «прыедзеў у РАУС і даведаешся. Але ў мяне ўжо ўзніклі новыя планы, трэба толькі прадумаць, як іх ралізаваць — усё будзе весела». — усміхаецца Іван.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат1
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары