Aŭtar płakatu «musarok» vyjšaŭ na svabodu paśla dvajnoj adsidki.
Aŭtar płakatu «musorok» Ivana Amielčanka vyjšaŭ na svabodu paśla dvajnoj adsidki. Paśla prysudu ź im sustrakaŭsia namieśnik staršyni HUUS Mienharvykankamu Ihar Jaŭsiejeŭ. Razmova doŭžyłasia niekalki chvilinaŭ, jon pytaŭsia, ci pryznaŭ Amielčanka svaju vinu, adnak pačuŭ admoŭny adkaz.
Na sioletnim «Čarnobylskim šlachu»25-hadovy Ivan Amielčanka z samarobnym płakatam staŭ kala słužboŭca ŭ cyvilnym, jaki zdymaŭ akcyju na videa. Žart maładoha čałavieka chutka staŭsia chitom internetu, adnak kalehi «musorka» humaru nie acanili.
Užo na nastupny dzień ź im vykazaŭ žadańnie parazmaŭlać učastkovy, adnak nie moh patłumačyć, navošta vyklikajuć Amielčanku, tamu toj na spatkańnie nie pryjšoŭ. Paśla taho, jak małady čałaviek źjechaŭ ad haradskoj mituśni dy pakryŭdžanych ludziej u cyvilnym na ŭłońnie pryrody, telefanavali jahonaj maci. Žančynie paviedamili, što jejnaha syna vyklikajuć jak śviedku ŭ spravie… masavych biesparadkaŭ 19 śniežnia 2010 hoda. Nahadajem, što spravu ŭžo daŭno zakryli.
Urešcie Ivan sam pryjšoŭ u RAUS. Tut jaho i zatrymali dy skłali pratakoł pavodle artykułu «drobnaje chulihanstva».
U sudzie Amielčanka nastojvaŭ na tym, što nasamreč na płakacie nadpis byŭ na anhielskaj movie: «My cop ok», što možna pierakłaści jak «moj palicejski — u paradku».Ale sudździa Michaił Choma nie pavieryŭ tłumačeńniam i asudziŭ chłapca na 15 sodniaŭ aryštu.
30 traŭnia, Ivan Amielčanka mieŭsia vyjści ź izalatara na vuł. Akreścina ŭ Miensku, adnak jaho adrazu ž zavieźli ŭ Maskoŭski RAUS, dzie skłali pratakoł za chulihanstva (art. 17.1 KaAP). Jak i inšych moładzievyja aktyvistaŭ, jaho ŭtrymlivali za kratami da zakančeńnia vizitu Uładzimira Pucina ŭ Miensk.
«Kali vychodziŭ 30 traŭnia, to ŭ voknach ubačyŭ, što staić «uazik», tam amapaviec siadzić i dvoje ŭ cyvilnym. Na vychadzie pytajusia ŭ supracoŭnika ŭ cyvilnym:
«vy za mnoj?» — «za vami».Spytaŭsia, u jakim miescy ja choć matam łajaŭsia, a toj kaža: «pryjedzieŭ u RAUS i daviedaješsia. Ale ŭ mianie ŭžo ŭźnikli novyja płany, treba tolki pradumać, jak ich ralizavać — usio budzie viesieła». — uśmichajecca Ivan.
Kamientary