Аляксандар Мілінкевіч прайшоў мэдычны агляд. Палітык адчуваў болі ў вобласьці хрыбта, у яго таксама была пашкоджаная рука. Траўмы ён атрымаў 25 Сакавіка, у шарпаніне зь міліцыянтамі.
У панядзелак Аляксандар Мілінкевіч прайшоў мэдычны агляд. Палітык меў пашкоджаньні на левай руцэ і адчуваў болі ў сьпіне, у вобласьці хрыбта. Траўмы ён атрымаў 25 Сакавіка ў шарпаніне зь міліцыянтамі. Ён узначальваў адну з групаў маніфэстантаў, што выйшлі на сьвяткаваньне Дня Волі. Мілінкевіч у атачэньні групы найбліжэйшых паплечнікаў прыкрываў адыход дэманстрантаў, вёў перамовы зь міліцыяй і адбіваў затрыманых. Калі людзей выціскалі з вуліцы Інтэрнацыянальнай, Мілінкевіча спэцназаўцы штурхнулі так, што ён упаў.
Спэцназаўцы таксама да крыві пашкодзілі руку жонкі Мілінкевіча Іны Кулей, якая ўвесь час была поплеч з мужам.
Пасьля інцыдэнту палітык ішоў з калёнай маніфэстантаў на Нямізе і праспэкце Машэрава, а пасьля пераехаў у раён плошчы Якуба Коласа, дзе ўзначаліў тых дэманстрантаў, што перабраліся на праспэкт Скарыны з раёну Нямігі.
Па словах прэс‑сакратара Мілінкевіча Паўла Мажэйкі, вынікі мэдагляду дазваляюць спадзявацца, што ўжо напрыканцы тыдня палітык будзе пачувацца добра. Пераломаў ня выяўлена. Цяпер А. Мілінкевіч праходзіць курс мэдычнай рэабілітацыі.
Стан здароўя жонкі А.Мілінкевіча таксама нармальны.
-
Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
-
МЗС Беларусі паведаміў, калі адкрыецца мяжа для літоўскіх грузавікоў
-
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
Цяпер чытаюць
Лосік расказаў, як Бабарыку катавалі ў наваполацкай калоніі10
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х88
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х8
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары