9 жніўня міліцыя забрала Парфянкова, каб ён пачаў адбываць прызначанае судом пакаранне.
«Некалькі дзён ён будзе знаходзіцца ў Мінску — гэта можа быць турма на Акрэсціна, альбо ізалятар на вуліцы Валадарскага. Пасля яго павінны этапаваць. Ёсць некалькі варыянтаў, дзе ён можа адбываць пакараньне: Ваўкавыск, Глыбокае, Жодзіна. Я ведаю, што ён пісаў заяву, каб адбываць пакаранне ў Глыбокім.
Куды яго накіруюць, стане вядома днямі», — паведаміла праваабаронца Наста Лойка.
Папраўчая ўстанова №13 у Глыбокім мае сярод зняволеных рэпутацыю самай закрытай калоніі ў Беларусі. Адрозна ад іншых беларускіх калоній, дзе вязні могуць больш-менш свабодна перамяшчацца па зоне, шпацыры глыбоцкіх асуджаных абмежаваныя дзвюма гадзінамі ў дзень.
***
29 траўня Васіль Парфянкоў быў асуджаны паводле арт. 421 Крымінальнага кодэкса Рэспублікі Беларусь суддзёй Першамайскага раёна Мінска Сяргеем Бандарэнкам. Прэвентыўны нагляд тэрмінам на адзін год, у парушэнні якога прызнаны вінаватым былы палітвязень, быў устаноўлены за ім з 5 студзеня 2012 года. Падставай для гэтага стаў ўдзел Парфянкова ў грамадска-палітычным жыцці пасля таго, як ён у ліку іншых вязняў Плошчы-2010 быў вызвалены ў жніўні 2011 года ў адпаведнасці з указам прэзідэнта аб памілаванні.
Цяпер чытаюць
Арыштаваны 75‑гадовы Зміцер Санько — ветэран-выдавец2
Каментары