Пасля гульні з «Хапаэлем» (2:0) Аляксандр Глеб, адказваючы на пытанне пра выклік у зборную Беларусі [гульні 7 і 11 верасня], заявіў, што да гэтых матчаў яшчэ далёка, і цяпер усе думкі ў яго пра матч у адказ з ізраільцянамі [28 жніўня] і гульню з «Гомелем».
«Прыйдзе час — будзе зборная. Да яе яшчэ далёка. Цяпер зваротная гульня з „Хапаэлем“, потым сустрэча з „Гомелем“. Там паглядзім, што будзе».
Згодна з календаром, сустрэча з камандай Алега Кубарева запланаваная на 2 верасня.
Раней Віктар Ганчарэнка высока ацэньваў магчымасць таго, што кантракт з Глебам, які заключаны да 30 жніўня, будзе працягнуты.
Анатоль Капскі пасля матчу з «Хапаэлем» заявіў, што пытанне з кантрактам Глеба будзе вырашана пасля зваротнай гульні.
Паводле інфармацыі Goals.by, рэальных прапаноў з боку еўрапейскіх клубаў цяпер у Глеба няма, і бакі блізкія да таго, каб працягнуць супрацоўніцтва.Адным з важных фактараў такога рашэння паўабаронцы можа стаць выхад БАТЭ ў групавы этап Лігі чэмпіёнаў, шанцы на які моцна выраслі пасля хатняй перамогі над «Хапаэлем» (2:0).
Нагадаем, трансфернае акно зачыніцца ў Еўропе 31 жніўня.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль1
Каментары