Януковіч загаварыў пра адмову ад курса на еўраінтэграцыю
Прэзідэнт Украіны Віктар Януковіч загаварыў пра імаверную адмову ад планаў па інтэграцыі ў структуры Еўрапейскага саюза.
Прэзідэнт Украіны Віктар Януковіч дапусціў магчымасць адмовы ад курсу на еўраінтэграцыю. Хоць гэты курс застаецца прыярытэтным для Украіны, Кіеў не будзе прымаць любыя ўмовы для збліжэння з Еўрасаюзам, заявіў Януковіч на святкаванні Дня незалежнасці, спасылаючыся, відавочна, на ціск Брусэля ў справе асуджанага
«У замежнапалітычнай плоскасці мы застаемся вернымі еўрапейскаму выбару, мы ўпэўнена пракладаем дарогу развіцця сучаснай еўрапейскай дзяржавы, — сказаў Януковіч. — Аднак інтэграцыя любой цаной — за кошт страты незалежнасці, эканамічных ці тэрытарыяльных саступак, за кошт дазволу ўмешвацца ва ўнутраныя справы — такую дарогу мы ніколі не ўспрымалі і не прымем. Свабода і незалежнасць — гэта самая галоўная ўмова поспеху і росквіту Украіны».
Еўрапейская інтэграцыя заставалася адной з галоўных тэмаў палітычнага парадку, зададзенай Януковічам пасля перамогі на прэзідэнцкіх выбарах. У гэтым ён працягваў палітыку свайго папярэдніка і палітычнага апанента Віктара Юшчанкі, адкрытага заходніка і галоўнага абаронцы курсу на еўраінтэграцыю. Без звароту да тэмы збліжэння з Еўрапейскім саюзам ён не мог бы разлічваць на галасы цэнтрысцкіх выбаршчыкаў, якія стаміліся ад хаатычнага кіравання Юшчанкі, але ўсё ж разлічваюць рана ці позна ўбачыць сваю краіну ў Еўропе, казалі тады эксперты. Гэтак жа давялося тры гады таму зрабіць і малдаўскім камуністам, якія перад выбарамі 2009 года таксама абвясцілі курс на еўраінтэграцыю.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары