Штогадовая міжнародная акцыя «Дзень без аўтамабіля» пройдзе ў Беларусі 22 верасня (гэта будзе субота),паведамілі ў Міністэрстве прыродных рэсурсаў і аховы навакольнага асяроддзя.
Мэта — звярнуць увагу людзей на праблему забруджвання атмасфернага паветра, паказаць уплыў кожнага чалавека на сваё здароўе.
«Дзень без аўтамабіля» станоўча адбіваецца на экалагічнай сітуацыі: за адзін дзень прадухіляецца выкід забруджвальных рэчываў у аб’ёме ад 250 т і больш, адзначаюць спецыялісты.
Аўтатранспартны комплекс — адна з важнейшых галін эканомікі, але разам з гэтым ён з’яўляецца буйнейшым забруджвальнікам навакольнага асяроддзя. У маштабах краіны доля транспарту ў сумарных выкідах забруджвальных рэчываў у атмасферу ад усіх крыніц дасягае 72% (у гарадах — 65–80%). Штогод у атмасфернае паветра з адпрацаванымі газамі аўтамабіляў выкідваецца больш як мільён тон забруджвальных рэчываў.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?28
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары