Двое зладзілі гонку па Гродне: «Фальксваген» забіў жанчыну, а БМВ працягнуў яе 30 метраў па асфальце
Адрамантаваўшы ў гаражы на вуліцы Церашковай машыну, хлопцы на «Фальксвагене» і «БМВ» паехалі дадому. З якой хуткасцю яны рухаліся з аднаго канца горада ў іншы, можна толькі ўявіць.
Па вуліцы Вольгі Саломавай яны мчаліся. Малодшы з прыяцеляў, 19-гадовы кіроўца «Фальксвагена», гнаў па правым шэрагу першым. Жанчына злева па ходу яго руху паспела прайсці па добра асветленым пешаходным пераходзе тры паласы.
Яе збіла на чацвёртай, яна праляцела ў паветры каля трыццаці метраў.Тут яна была збіта і БМВ, якое адкінула жанчыну на такую ж адлегласць і праехала па целе колам. 49-гадовая гараджанка памерла на месцы.
Кіроўца «Фальксвагена» пачаў тармазіць толькі за пешаходным пераходам. Мяркуючы па пакінутым на дарозе следзе ён ехаў з хуткасцю не менш за сотню кіламетраў у гадзіну.
Здаўшы з шостай спробы тэарэтычны і з пятага практычны іспыты, ён год таму атрымаў пасведчанне і ўжо пяць разоў штрафаваўся за парушэнні правілаў руху.
Кіроўца «БМВ» стаў уладальнікам правоў пяць гадоў таму. За гэты час 19 разоў падвяргаўся спагнанням, у тым ліку -- за двухразовае перавышэнне хуткасці больш чым на 20 кіламетраў у гадзіну пазбаўляўся правоў, а пасля гэтага затрымліваўся за рулём п'яным.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары