Кітайская кухарка на працы адбілася ад дзіка табурэткай — відэа
Дзікі кабан зрабіў перапалох на кітайскім аўтавакзале ў горадзе Шанту: у разгар працоўнага дня дзік забег у пакой чакання.Насустрач жывёле выйшла ўзброеная пластыкавай табурэткай супрацоўніца, якая, праўда, не адразу змагла выставіць жывёлу прэч.
Камеры ўнутранага назірання запісалі, як жывёла забегла ў пакой чакання і ў разгубленасці паспрабавала выбрацца праз зачыненае акно. Пакуль кабан стараўся выбіць шкло, да яго падкралася жанчына, якая збіралася з дапамогай табурэткі выгнаць жывёлу. Заўважыўшы чалавека, дзік спачатку паспрабаваў атакаваць жанчыну, але потым вырашыў ратавацца ўцёкамі.
Выйсці на вуліцу жывёле перашкодзілі шкляныя дзверы - стукнуўшыся аб іх з разбегу, кабан рэзка памяняў траекторыю і пабег па калідоры ў суседні пакой.Што адбывалася там, камеры не запісалі, але ўжо праз 10 секунд жывёла бегла па тым жа калідоры ў зваротным кірунку. На гэты раз звер змог даць рады са шклянымі дзвярыма і выйшаў на вуліцу.
Пасля таго як кухарка атрымала верх над дзіком, ён збег. Але потым зноў вярнуўся і прабег па паркоўцы. Тады група работнікаў злавіла дзіка.
Цяпер чытаюць
Мастакоў Рымашэўскага і Шчамялёву пратрымалі амаль год у СІЗА, але далі такі тэрмін, каб у судзе адпусціць дадому4
Каментары