Шкарпэткі па пошце, партал відэарэцэптаў, або Як зарабіць у інтэрнэце
Паказальныя гісторыі інтэрнэт-праектаў на розных стадыях развіцця.
Хутка маладыя беларусы ўжо ў дзіцячым садку будуць шэрыць дадаткі з Google play і App store — пасля абавязковай маннай кашы, вядома.Дарослыя беларусы збольшага ведаюць пра «неабмежаваныя магчымасці вэб-павуціння», аднак далей за словы справа заходзіць рэдка. Мы абралі тры паказальныя гісторыі інтэрнэт-праектаў на розных стадыях развіцця.
Стас Брыль, сацыяльны пашуковік, «ВерниМомент»
— Аднойчы я ўбачыў па НТВ сюжэт пра маладую пару, якая знайшла адзін аднаго праз сайт чыгункі Германіі — яны абмяняліся позіркамі падчас вандроўкі, аднак не паспелі пазнаёміцца.Я вырашыў выкарыстаць гэтую ідэю і стварыць адпаведны сэрвіс. У пошуках дапамогі я звярнуўся да Валіка, з якім мы разам вучыліся ў апошнім класе школы. Праз тры месяцы распрацоўкі, у жніўні 2011 года, мы запусцілі сайт «ВерниМомент». У нас сышло каля Br 500 тыс. на пакупку дамена і хостынг, прыблізна $ 20 на рэкламу «Вконтакте».
Ужо праз тыдзень існавання нам напісалі з маскоўскай Акадэміі праектаў Farminers і запрасілі на круглы стол, дзе за адну хвіліну мы павінны былі прэзентаваць наш праект. Па выніках мы ўвайшлі ў топ-15 адабраных — з 900 заявак. Нам выдзелілі інвестыцыі для дапрацоўкі сайта, і праз 20 дзён мы пераехалі ў Маскву. Што датычыць функцыянальнасці «ВерниМомент» — я не ведаю, як часта людзі знаходзяць адзін аднаго з дапамогай сайта, аднак паступала вельмі шмат просьбаў пашырыць базу і дадаць гарады. Цяпер сайт проста вісіць у інтэрнэце. Як толькі ў нас з'явіцца час і магчымасці, мы яго дапрацуем.
Першыя пару месяцаў у Маскве мы шукалі дызайнера і вэб-праграміста, а праз паўгода пераарыентаваліся на стварэнне глабальнага lost and found сэрвісу Beat the bushes — на амерыканскім слэнгу гэта азначае «ўзмоцнена шукаць». Мы прааналізавалі рынак, і высветлілася, што ў гэтай галіне няма лідара, а ўсе існыя сэрвісы адрозніваюцца лайновым дызайнам і нізкай функцыянальнасцю.
Наш сэрвіс будзе дазваляць шукаць людзей, хатніх жывёлін, рэчы і перш за ўсё будзе арыентаваны на ЗША і Еўропу.
Два месяцы таму мы запусцілі бэта-версію сайта. Напрыканцы лістапада мы ляцім у Сан-Францыска, каб развіваць праект. Улетку мы правялі ў ЗША месяц, удзельнічаючы ў розных канферэнцыях, абмяркоўваючы наш вопыт і набываючы кантакты. З бліжэйшых планаў — зрабіць дадаткі на ўсе мабільныя дэвайсы і прыцягнуць аўдыторыю — у нас вялікі бюджэт пад PR. Галоўная мэта — пачаць жыць без інвестыцый. Упэўненасці дадае той факт, што Ігар Мацанюк, былы віцэ-прэзідэнт Mail.ru і галоўны інвестар, у нас верыць.
Іншыя гісторыі чытайце ТУТ.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары