Паводле статыстыкі, на 10 жанчын у краіне прыпадае 8,68 мужчыны. Гэта прытым што нараджаецца на 10 дзяўчынак 10,58 хлапца.
Мужчыны раней паміраюць, раней гінуць, карацей жывуць. Таму і выходзіць так, што ў Беларусі на 1000 мужчын прыпадае 1152 жанчыны, хоць на 1000 нованароджаных хлопчыкаў у нашай краіне прыпадае 945 дзяўчатак.
Паводле звестак Белстата, на пачатак гэтага года колькасць мужчын у Беларусі склала 4 мільёны 398 тысяч чалавек, або 46,5% агульнай колькасці насельніцтва.Тры чвэрці мужчын жывуць у гарадах.
Сярэднестатыстычнаму беларускаму мужчыну — 37 гадоў.
У шлюб мужчыны ўступаюць у сярэднім у 26,6 года.Для параўнання: у 1991 годзе гэта рабілі ў 23 гады. Цяпер мужчына не спяшаецца аформіць адносіны, часцей сталі сустракацца нефармальныя шлюбы.
У 25–29 гадоў жэняцца 33% ад мужчын. Амаль столькі сама надзяваюць пярсцёнак у 20–24 гадоў (32,5%). Сярэдні ўзрост паўторнага шлюбу — 40 гадоў. Дарэчы, на жаль, сёлета колькасць разводаў упершыню перавысіла планку 50% ад колькасці шлюбаў. А ў Мінску гэта нават 70%. Людзі ўсё часцей шукаюць лепшага замест добрага.
А як жа здароўе мужчын? Белстат прыводзіць інфармацыю і аб гэтым.
На сёння толькі кожны чацвёрты мужчына займаецца фізкультурай або спортам і толькі кожны восьмы робіць тое штодня.
У той жа час палова мужчын курыць, прычым 7,1% выпальвае больш за 20 цыгарак за дзень. І гэта нягледзячы на той факт, што курэнне гарантавана вядзе да хваробаў і слабасці ўжо да 50 гадоў.
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы6
Каментары