Pavodle statystyki, na 10 žančyn u krainie prypadaje 8,68 mužčyny. Heta prytym što naradžajecca na 10 dziaŭčynak 10,58 chłapca.
Mužčyny raniej pamirajuć, raniej hinuć, karaciej žyvuć. Tamu i vychodzić tak, što ŭ Biełarusi na 1000 mužčyn prypadaje 1152 žančyny, choć na 1000 novanarodžanych chłopčykaŭ u našaj krainie prypadaje 945 dziaŭčatak.
Pavodle źviestak Biełstata, na pačatak hetaha hoda kolkaść mužčyn u Biełarusi skłała 4 miljony 398 tysiač čałaviek, abo 46,5% ahulnaj kolkaści nasielnictva.Try čverci mužčyn žyvuć u haradach.
Siaredniestatystyčnamu biełaruskamu mužčynu — 37 hadoŭ.
U šlub mužčyny ŭstupajuć u siarednim u 26,6 hoda.Dla paraŭnańnia: u 1991 hodzie heta rabili ŭ 23 hady. Ciapier mužčyna nie śpiašajecca aformić adnosiny, čaściej stali sustrakacca niefarmalnyja šluby.
U 25–29 hadoŭ ženiacca 33% ad mužčyn. Amal stolki sama nadziavajuć piarścionak u 20–24 hadoŭ (32,5%). Siaredni ŭzrost paŭtornaha šlubu — 40 hadoŭ. Darečy, na žal, sioleta kolkaść razvodaŭ upieršyniu pieravysiła płanku 50% ad kolkaści šlubaŭ. A ŭ Minsku heta navat 70%. Ludzi ŭsio čaściej šukajuć lepšaha zamiest dobraha.
A jak ža zdaroŭje mužčyn? Biełstat pryvodzić infarmacyju i ab hetym.
Na siońnia tolki kožny čaćviorty mužčyna zajmajecca fizkulturaj abo sportam i tolki kožny vośmy robić toje štodnia.
U toj ža čas pałova mužčyn kuryć, pryčym 7,1% vypalvaje bolš za 20 cyharak za dzień. I heta niahledziačy na toj fakt, što kureńnie harantavana viadzie da chvarobaŭ i słabaści ŭžo da 50 hadoŭ.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary