Porsche Cayenne насмерць збіў 9-гадовага хлопчыка каля школы ў Сухараве
Увечары 13 лістапада на тэрыторыі сталічнай школы № 23 у мікрараёне Сухарава аўтамабіль Porsche Cayenne насмерць збіў дзіця.
На дадзены момант вядома, што гэта быў хлопчык дзевяці гадоў. Ён быў адзіным дзіцем у сям’і, яго выхоўвала мама.
Абставіны наезду высвятляюцца. Прадстаўнікі ДАІ паведамілі, што за рулём Porsche Cayenne быў37-гадовы мужчына, жыхар аднаго з навакольных дамоў.
Наезд адбыўся каля 19.00. У 19:04 відавочцы выклікалі хуткую дапамогу. Медыкі спрабавалі рэанімаваць дзіця, але нічога не змаглі зрабіць.
Каля школы, акрамя супрацоўнікаў Следчага камітэта, ДАІ і прадстаўнікоў СМІ, сабраліся і бацькі вучняў школы і жыхары суседніх дамоў.Каля 30–40 чалавек проста прыйшлі на месца трагедыі. Нехта прынёс кветкі, хтосьці — свечкі, хтосьці — мяккія цацкі.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк4
Каментары