«Нейкая банда выйшла на кіраўніцтва кампаніі, у якой Ірына працуе, і выставіла пэўныя патрабаваньні».
Выкрадальнікі беларускай грамадзянкі Ірыны Экпа‑Ума выставілі патрабаванні кіраўніцтву брытанскай сэрвіснай кампаніі «Компас груп», у якой яна працуе. Пра гэта РІА «Новости» паведаміў саветнік пасольства Расіі ў Нігерыі Віктар Ганчароў.
«Нейкая банда выйшла на кіраўніцтва кампаніі, у якой Ірына працуе, і выставіла пэўныя патрабаванні, — сказаў саветнік. — Пакуль нам невядома, хто і чаго патрабуе».
[Telegraf.by зазначае, што выкрадальнікі патрабуюць 1,2 млн даляраў -- НН]
Цяпер прадстаўнікі расійскага пасольства сустракаюцца з кіраўніцтвам кампаніі і абмяркоўваюць далейшы план сумесных дзеянняў. «Відавочна, справа пойдзе да развязкі», — зазначыў В.Ганчароў.
«Пасольства Расіі ўжо наладзіла кантакты з МЗС Нігерыі, з праваахоўнымі органамі і з кіраўніцтвам кампаніі, дзе працуе Ірына. Мы гатовы выехаць у любы час у Порт‑Харкорт, дзе была выкрадзена грамадзянка Беларусі», — сказаў В.Ганчароў.
Як паведамлялася раней, І.Экпа‑Ума была выкрадзена невядомымі 5 мая ў горадзе Порт‑Харкорт.
Варта зазначыць, што, паводле звестак Міністэрства замежных спраў Беларусі, І.Экпа‑Ума працуе ў транснацыянальнай нафтавай карпарацыі «Whassah Eurest Nigeria Limited». У прэс‑службе МЗС Беларусі паведамілі, што беларускія дыпламаты пастаянна кантактуюць з расійскімі калегамі, якія займаюцца лёсам беларускі.
Каментары