Vykradalniki biełaruskaj hramadzianki ŭ Nihieryi vystavili patrabavańni
«Niejkaja banda vyjšła na kiraŭnictva kampanii, u jakoj Iryna pracuje, i vystaviła peŭnyja patrabavańni».
Vykradalniki biełaruskaj hramadzianki Iryny Ekpa‑Uma vystavili patrabavańni kiraŭnictvu brytanskaj servisnaj kampanii «Kompas hrup», u jakoj jana pracuje. Pra heta RIA «Novosti» paviedamiŭ savietnik pasolstva Rasii ŭ Nihieryi Viktar Hančaroŭ.
«Niejkaja banda vyjšła na kiraŭnictva kampanii, u jakoj Iryna pracuje, i vystaviła peŭnyja patrabavańni, — skazaŭ savietnik. — Pakul nam nieviadoma, chto i čaho patrabuje».
[Telegraf.by zaznačaje, što vykradalniki patrabujuć 1,2 młn dalaraŭ -- NN]
Ciapier pradstaŭniki rasijskaha pasolstva sustrakajucca z kiraŭnictvam kampanii i abmiarkoŭvajuć dalejšy płan sumiesnych dziejańniaŭ. «Vidavočna, sprava pojdzie da raźviazki», — zaznačyŭ V.Hančaroŭ.
«Pasolstva Rasii ŭžo naładziła kantakty z MZS Nihieryi, z pravaachoŭnymi orhanami i z kiraŭnictvam kampanii, dzie pracuje Iryna. My hatovy vyjechać u luby čas u Port‑Charkort, dzie była vykradziena hramadzianka Biełarusi», — skazaŭ V.Hančaroŭ.
Jak paviedamlałasia raniej, I.Ekpa‑Uma była vykradziena nieviadomymi 5 maja ŭ horadzie Port‑Charkort.
Varta zaznačyć, što, pavodle źviestak Ministerstva zamiežnych spraŭ Biełarusi, I.Ekpa‑Uma pracuje ŭ transnacyjanalnaj naftavaj karparacyi «Whassah Eurest Nigeria Limited». U pres‑słužbie MZS Biełarusi paviedamili, što biełaruskija dypłamaty pastajanna kantaktujuć z rasijskimi kalehami, jakija zajmajucca losam biełaruski.
Kamientary