Прысуд маладафронтаўцам: Хведарук — 1 млн 240 тыс, Корбан, Янушэўскі, Гарэцкі — 930 тыс., Палажанка — папярэджаньне
На ганку суда маладафронтаўцаў віталі 200 чалавек з кветкамі і шампанскім.
15.36
Маладафронтаўцы выйшлі з залі суду. Іх вітае воклічамі "Жыве Беларусь!" на ганку 200 чалавек з кветкамі і паветранымі балёнікамі. Адкаркавалі шампанскае. Барыс Гарэцкі заявіў, што пад ціскам грамадзкасьці суд вымушаны быў адступіць. Дарэчы, сёньня Аляксею Янушэўскаму, які знаходзіцца ў Чэхіі, споўнілася 20 гадоў.
15.31
Вынесены прысуд. Судзьдзя Руслан Аніскевіч прызнаў сябраў МФ віноўнымі ў парушэньні арт. 193 Крымінальнага кодэксу "Дзейнасьць ад імя незарэгістраванай арганізацыі".
Зьміцер Хведарук атрымаў 40 базавых велічынь штрафу (1 млн 240 тыс.), Алег Корбан, Аляксей Янушэўскі, Барыс Гарэцкі -- па 30 б.в. кожны (930 тыс.), Насьце Палажанцы вынесена перасьцярога (предостережение). Сыстэмныя блёкі і вінчэстары канфіскаваныя ў даход дзяржавы.
15.22
Усіх запусьцілі ў залю суда. Паседжаньне пакуль не пачалося.
14.55
Каля будынку суду Савецкага раёну Менска (Лагойскі тракт, 3) сабраліся каля 60 чалавек. У асноўным маладафронтаўцы, журналісты. Зь вядомых людзей прысутнічаюць Вячаслаў Сіўчык, Алесь Бяляцкі, Валер Шчукін, Сяргей Бахун, Сьвятлана Завадзкая, бацька Зьмітра Дашкевіча сп. Вячаслаў.
Зьміцер Хведарук, Наста Палажанка, Барыс Гарэцкі стаяць яшчэ на вуліцы, у суд не заходзяць. Чакаюць Алега Корбана.
Невялікая колькасьць людзей тлумачыцца часткова тым, што недалёка ад будынка суда на трамвайных шляхах (на Валгаградзкай) адбылася невялікая аварыя, і транспарт часткова спыніўся. Відаць, асноўная маса едзе якраз трамваем.
Нагадаем, што ўчора дзяржабвінаваўца Міхонская "прапанавала" пакараць чатырох маладафронтаўцаў штрафам у 500 б.в. кожнага (15 млн 500 тыс.), а Насту Палажанку -- выпраўленчымі працамі.
-
«Я была як пад гіпнозам». Рэальныя гісторыі мінчукоў, якіх махляры прымусілі прадаць кватэры — адна сумная, другая амаль шчаслівая
-
У злітых файлах Эпштэйна ўсплыла яшчэ адна беларуска, мадэль і жонка футбаліста — расказваем, што пра яе вядома
-
«У вас ёсць любімая песня?» Знаёмцеся з Максатам — самым вядомым стрыт-відэографам Мінска
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары