“Піларама аналітычная”
Грушы на яблынях
Нашыя аналітыкі зноў у студыі. Апошнія палітычныя падзеі адбіліся на іхнай дысьлякацыі за круглым сталом: Змагар нябачнага фронту перасеў бліжэй да вядомага журналіста Тыкубовіча і былога праваслаўнага літаратара Касьцяма, апазыцыйны палітык Лабэцька падсеў да таксама апазыцыянэра Сінічкіна і ініцыятара рэфэрэндумаў Яр. Ашука ды зачытвае свой даклад на тэму “З кім і пра што трэба гаварыць па тэлефоне, каб пра цябе пісалі ў газэтах”.
Лабэцька: …а я і кажу Ямцову: “Што вы там целіцеся ў Расеі! Бяжы ў Крэмль, скажы, каб вокны памылі: я хутка прыеду. Будзем яднацца паводле ўзору Эўразьвязу — я ўжо дамовіўся з Гарантам. Так што зь цябе бутэлька!”
Усе: А ён?
Лабэцька: Бутэльку паабяцаў… факсам скінуць.
Змагар: Непрадбачліва: дойдзе паўпустая. Ведаю я гэтыя спэцслужбы.
Сінічкін: Ды ўвогуле ня дойдзе без акцызнай маркі! Гэта ж трэба было дадумацца — пасягнуць на сьвятая сьвятых! На эканамічныя інтарэсы Расеі ў Рэспубліцы Беларусі!
Касьцям: А як вы сьмееце пасягаць на сьвятую ідэю інтэграцыі з поўным захаваньнем сувэрэнітэту?! Правільна Гарант Канстытуцыі на сьвяце ўраджаю даў адлуп усім гэным ямцовым, каб свае грушы на нашых яблынях ня сеялі!
Яр.Ашук: А я, зыходзячы з вастрыні палітычнай сытуацыі й разуменьня паваротнага моманту ў гісторыі Айчыны, абураны тым, што рэфэрэндум пра лёс Беларускай Нацыянальнай Дзяржавы падмяняецца рэфэрэндумам пра палітычную кар’еру аднаго чалавека. Чаму менавіта гэтага чалавека? Я таксама маю кіраўнічы стаж і досьвед удзелу ў перадвыбарнай кампаніі…
Тыкубовіч: А досьвед удзелу ў бульбаўборачнай кампаніі Вы маеце? Не? Дык сядзіце ціхенька, пакуль трактары на Трактарным не навучыліся ў лізынг браць!
Змагар: Як вы тут можаце пра бульбу гаварыць, калі гаворка пра нацыю?! Калі нашыя вялікія продкі сямсот гадоў ваявалі з маскалямі?! А якая бульба расла на палітых варожай крывёю палетках! Усю Эўропу завальвалі! З ХІІІ стагодзьдзя!
Касьцям: Выкармілі на сваю галаву!
Сінічкін: Слухайце, таварышы, можа, хопіць на сёньня? Позна ўжо. На БТ эратычная перадача пачынаецца…
Піпкае сотавы тэлефон. Лабэцька адыходзіць: Алё! Што? Так, я, Аляксандар Рыгоравіч! Усё ў ажуры — Ямцоў павёўся. З вас бутэлька…
Аддзел аналітыкі
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»14
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары