Як удзельнік сходу кандыдатаў у дэпутаты на парлямэнцкіх выбарах у Чарнігаве 20 лютага лічу за неабходнае пракамэнтаваць водгук «НН» («Беларускі Чарнігаў», 25.02.2005).
Аўтар водгуку сп.Жолудаў чамусьці вырашыў не заўважыць важнай, на наш погляд, прапановы Рады беларускай інтэлігенцыі. Яна абмяркоўвалася ў эмацыйнай дыскусіі і, хоць супраць яе выступілі некаторыя вядомыя і ўплывовыя асобы, была прынятая абсалютнай большасьцю ўдзельнікаў (толькі трое супраць). Гэта прапанова аб стварэньні каардынацыйнага цэнтру экс-кандыдатаў у дэпутаты на парлямэнцкіх выбарах.
Створаная міжпартыйная структура аб’яднае тых, хто даказаў сваю здольнасьць да рэальнай справы, мае за сабой «разагрэтыя» падчас выбарчай кампаніі акругі, у якіх добра ведаюць сваіх кандыдатаў, вераць ім і аддалі галасы за іх. Такім чынам узьнікае магчымасьць сыстэмна, збалянсавана і мэтанакіравана праводзіць працу ва ўсіх акругах, на ўсёй тэрыторыі краіны, а гэта вельмі важны крок у кансалідацыі дэмакратычнай грамадзкасьці ў пэрспэктыве прэзыдэнцкіх выбараў.
Мяркую, што чытачам «НН» варта ведаць пра гэта рашэньне чарнігаўскага сходу.
Што да заўвагі сп.Жолудава наконт «сухасьці» прамовы старшыні Рады інтэлігенцыі сп. Коласа, які выступіў з прапановай аб стварэньні названага каардынацыйнага цэнтру, яна была даволі эмацыйнай. Карэспандэнтам, якія асьвятляюць такія мерапрыемствы, усё-такі варта зьвяртаць увагу ня толькі на эмацыйнасць ці сухасьць прамоў, але ў першую чаргу на іх зьмест.
Зьміцер Сідаровіч
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары