У Кіеве прайшлі «камандна-штабныя вучэньні» грамадзянскай апазыцыі.
Група грамадзкіх аб’яднаньняў «Разам» праводзіла ў Кіеве з 28 сакавіка да 3 красавіка арганізацыйна-дзейнасную гульню «Распрацоўка пераможнай палітычнай стратэгіі для Беларусі: сцэніраваньне, праектаваньне і праграмаваньне». Ідэя гульні: сабраць разам розных людзей, каб яны пакінулі вонкі свае звыклыя грамадзкія ролі і зірнулі на сябе збоку, а ў выніку выпрацавалі праграму дзеяньняў. «Сапраўднымі лідэрамі грамадзтва могуць быць толькі непалітычныя асобы», — мяркуе арганізатар гульні Ўладзімер Мацкевіч.
«НН»: Каму і калі прыйшла ідэя правесьці такую гульню?
Уладзімер Мацкевіч: Пачалося ўcё ў сеціве. Перад кастрычніцкімі выбарамі й рэфэрэндумам на інтэрнэт-форумах склалася супольнасьць людзей, якія ўсьвядомілі немінучую паразу апазыцыі. Зь некаторымі зь іх у мяне завязалася актыўная перапіска. Паралельна з гэтым утварылася група прадстаўнікоў грамадзкіх аб’яднаньняў, якія вырашылі абмеркаваць свой удзел у будучых палітычных падзеях. Туды паклікалі мяне, а я прапанаваў правесьці такую гульню.
«НН»: Што яна зь сябе ўяўляла?
УМ: У пэўным сэнсе, гульню трэба разглядаць у тэрмінах вайсковых вучэньняў. Гэта штабныя гульні генэралаў. Гэта былі манэўры, якія праводзіла грамадзянская супольнасьць, каб праверыць сваю моц.
«НН»: І якія праблемы вы спрабавалі вырашыць?
УМ: У нашым грамадзтве ніхто ні з кім па-сапраўднаму не камунікуе. Усталяваць камунікацыю, зрабіць яе зьмястоўнай, доўгатэрміновай — гэта была адна з задачаў гульні. Па-другое, гэта праблема формы. У сучаснай Беларусі ўсе структуры не падобныя да сваіх прататыпаў. Мэдыі — гэта сродкі масавай прапаганды ды агітацыі, палітычныя партыі — маргінальныя грамадзкія арганізацыі, бізнэс — адміністратыўнае адгалінаваньне, якое задавальняе патрэбы чынавенства. Надаць форму, надаць камунікацыі зьмястоўнасьць і асэнсаванасьць — у гэтым быў сэнс гульні.
«НН»: Групу «Разам» называюць ці то новай палітычнай сілай, ці то будучай партыяй… Гэта слушна?
Поўны варыянт чытайце ў папяровай і pdf-вэрсіі газэты "Наша Ніва"
Гутарыў Алесь Кудрыцкі
Цяпер чытаюць
Дашкевіч расказаў, як трапіў за кратамі ў нізкі статус і напісаў прашэнне аб памілаванні3
Каментары