Гэтая спрэчка адвеку: выкручваць ці зразаць грыбы? Міколагі шмат разоў мянялі думку наконт гэтага. Вось што навука думае пра гэта цяпер.
Логіка тут такая. Трэба старацца рабіць так, каб грыбніца не разразалася, не рвалася і высыхала.
Таму лепш грыбы акуратна выкручваць. Калі асцярожна зразаць вострым ножыкам — то без размаху, каб не пераразаць грыбніцы вакол грыба.
І старайцеся акуратна прыкрыць месца, дзе рос грыб, нібы прыхлопнуўшы, прыгладзіўшы мох ці ігліцу. Так, каб і знаку, што тут рос грыб, не заставалася.
Акрамя таго, памятайце, што сыраежкі, белыя грузды і печаркі адрозніваюцца ад паганак нязначна. Калі зразаць іх, большая небяспека памыліцца. Лепш добра глядзець на ножкі.
Але самы страшны грэх — калі грыбнікі, угледзеўшы адзін грыб, разграбаюць усё вакол у пошуках іншых. Гэта проста пагром грыбніцы. Калі вы разграбяце мох ці ігліцу, грыбніца на гэтым месцы высахне і надоўга перастане даваць грыбы.
Цяпер чытаюць
Каментары