Грамадства33

«У рамках адпрацоўкі раёны лезуць не туды!» BYPOL апублікаваў злівы перамоў эканамічнай міліцыі

Ініцыятыва былых сілавікоў «Байпол» выпусціла відэа пра тое, як нязгодных з уладай прадпрымальнікаў апрацоўвае Галоўнае ўпраўленне па барацьбе з эканамічнымі злачынствамі. Цікава, што пад зачыстку часам трапляюць нават свае.

Супрацоўнікі выявілі тыпаграфію, якая нібыта друкавала бела-чырвона-белую сімволіку. Паставілі кіраўніка тыпаграфіі на праслушку, а пасля на затрыманне адправілі дэсант з 15 чалавек — 10 з Галоўнага ўпраўлення па барацьбе з эканамічнымі злачынствамі (ГУБЭЗ) і 5 амапаўцаў.

Але аказалася, што тыпаграфія выпускала чырвона-зялёную сімволіку.

«Яны як сказалі? Ёсць сімволіка? Так. Толькі яны мелі на ўвазе чырвона-зялёную»,

— абураўся па тэлефоне адзін з супрацоўнікаў ГУБЭЗ, меркавана, намеснік начальніка Андрэй Макарук, што нічога «бэчэбэшнага» пры аглядзе не знайшлі.

Як вынікае са злітых размоваў, часам занадта імпэтныя супрацоўнікі пачынаюць цікавіцца тымі арганізацыямі, якія «пад патранажам» дзяржавы.

Адзін з супрацоўнікаў, меркавана, намеснік начальніка ГУБЭЗ Валерый Балабуеў, пераказваў словы кіраўніцтва (міністра ўнутраных спраў Івана Кубракова) свайму калегу:

«Ён сказаў так. Першае, што выклікае, скажам так, занепакоенасць. Што ў рамках адпрацоўкі гэтых вось момантаў раёны лезуць не туды! І ідуць да тых, хто наогул не мае ніякага дычынення да гэтага. Ты ж разумееш, што маецца на ўвазе — пад шумок ідуць, пачынаюць вытрасаць усіх запар».

«Ён уважліва прагартаў усе спісы, вельмі здзівіўся наяўнасці ў іх «ТабакІнвеста», «Ленты» і іншае. Ну пакажыце мне, што «Лента» шые такія сцягі, — працягвае сілавік. — І сказаў, што такім агульным «чохам» адпрацоўка ўсяго — гэта ёсць нерацыянальнае выкарыстанне сіл і сродкаў, таму нам трэба засяродзіць намаганні на тыпаграфіях.

Ну і другое пытанне, на што гораду трэба акцэнтаваць увагу, гэта фінансаванне апазіцыі. Тое самае далей: аплата штрафаў, паслуг адваката, нейкая дапамога».

Праз пэўны час падпалкоўніка міліцыі Макарука, нягледзячы на яго адданасць, не прасунулі па службе. Цэнтральная атэстацыйная камісія адхіліла яго кандыдатуру на падставе даклада Галоўнага ўпраўлення ўласнай бяспекі МУС.

«Рубанулі. Сказалі, не дастойны», — жаліўся меркаваны Макарук іншаму калезе.

ГУБЭЗ мае дачыненне і да вобшукаў у беларускамоўнай кнігарні Андрэя Янушкевіча, паведамляе «Байпол».

Каментары3

  • даведка
    12.08.2022
    Паршин вышел из ГУБЭП и пошёл в ГУСБ... Видимо, именно он и поднасрал своему бывшему сослуживцу.
  • даведка
    12.08.2022
    В советские времена ОБХСС занимался политическими репрессиями? А белорусский БЭП только и занимается.
  • классика жанра
    12.08.2022
    "...аказалася, што тыпаграфія выпускала чырвона-зялёную сімволіку"

    скоро лукашитсы, как пауки банке, начнут писать доносы один на на одного и пожирать сами себя! 

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Усе навіны →
Усе навіны

Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё24

Названы топ-25 кампаній з беларускім капіталам на Падляшшы

Генштаб Украіны паведаміў, што страты Расіі перавысілі 1 мільён чалавек7

Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі7

У мінскім кафэ заказы развозіць робат-афіцыянт

Хлопчыкі ўжо не ў модзе? Бацькі ўсё часцей хочуць дачок4

У Беларусі зноў сабралі грошы на лячэнне дзіцяці з СМА1

У найбліжэйшы час Ізраіль можа ўдарыць па Іране9

Амерыканскі мільянер прыехаў у Польшчу, каб набыць футбольны клуб, і насмерць падавіўся варэнікам15

больш чытаных навін
больш лайканых навін

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Галоўнае
Усе навіны →

Заўвага:

 

 

 

 

Закрыць Паведаміць