Студэнта з Кот д'Івуара публічна судзілі ва ўніверсітэце ў Гродне, яго вышлюць з краіны
Выхадзец з Кот-д’Івуара быў затрыманы за рулём у нецвярозым стане ў пачатку мая.
18 чэрвеня на базе Аграрнага ўніверсітэта разглядалі адміністрацыйную справу ў дачыненні да яго, паведамляе абласная міліцыя.
Пасяджэнне прайшло публічна з удзелам студэнтаў і педагогаў навучальнай установы.
«Горад Гродна, а таксама навучальныя ўстановы адкрыты для замежных студэнтаў, створаны камфортныя і бяспечныя ўмовы для якаснага навучання. Пераважная большасць гасцей прыязджаюць у нашу краіну з шчырым жаданнем вучыцца, уносіць свой уклад і ўмацоўваць міжнародныя сувязі. Аднак заўсёды застаецца невялікі працэнт людзей, якія лічаць, што для іх закон не пісаны. На прыкладзе ўчынку гэтага маладога чалавека мы хочам, каб вы ўсвядомілі ўвесь цяжар наступстваў парушэння заканадаўства і тым самым засцераглі сябе ад падобнага кшталту дзеянняў», — адзначыў першы намеснік начальніка Кастрычніцкага РУУС Мікалай Нічыпар.
Цяпер ужо былы студэнт будзе прымусова высланы з краіны, а найбліжэйшы час правядзе ў ізалятары часовага ўтрымання.
Цяпер чытаюць
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары