Da kanca hetaha hoda piŭzavod «Alivaryja» pavialičyć svaje vytvorčyja mahutnaści da 5 młn. dekalitraŭ. Taki rost staŭ mahčymy dziakujučy prychodu na biełaruskaje pradpryjemstva stratehičnaha inviestara — piŭnoha chołdynhu «Baltic Beverages Holding» (BBH). Za aktyŭnaje pryciahnieńnie i efiektyŭnaje vykarystańnie zamiežnych inviestycyj hienieralny dyrektar «Alivaryi» Mikałaj Dudko viečaram 5 lipienia byŭ abjaŭleny łaŭreatam konkursu «Čałaviek spravy — 2007».
Supracoŭnictva biełaruskaha piŭzavoda «Alivaryja» ź piŭnym chołdynham VVN u Biełarusi ličać adnym z samych hučnych inviestycyjnych prajektaŭ 2006 hoda. Na pres‑kanfierencyi arhanizataraŭ i łaŭreataŭ konkursu «Čałaviek spravy — 2007» M.Dudko zaznačyŭ, što rašeńnie ab pryciahnieńni stratehičnaha partniora było abumoŭlena zacikaŭlenaściu nie tolki ŭ dadatkovych inviestycyjach, ale i ŭ mižnarodnym vopycie markietynhu i arhanizacyi prodažaŭ. «U hetym sensie my šukali nie tolki finansavaha donara, ale i śpiecyjalistaŭ, u jakich jość technałohii pa prasoŭvańni praduktu, — skazaŭ jon. — Ciapier my asvojvajem vopyt, nazapašany ŭ inšych krainach».
Pieršyja paŭhoda supracoŭnictva z VVN užo dali vynik: u červieni 2007 hoda «Alivaryja» atrymała adrazu try mižnarodnyja siertyfikaty jakaści; indeks jakaści piva «Alivaryja» byŭ pryznany adpaviednym mižnarodnamu ŭzroŭniu.
Dziakujučy zmanciravanaj novaj linii raźlivu ŭ PET‑plaški jašče da kanca siezona pačnajecca raźliŭ piva ŭ plaški novaj formy.
U najbližejšych płanach «Alivaryi» — budaŭnictva novaha korpusa dla raźmiaščeńnia składoŭ, ustanoŭka novaj linii pa raźlivie piva, a taksama naroščvańnie mahutnaściej pa bražeńni.
Vyjhraŭšy mižnarodny tender, VVN nabyŭ 30% akcyj biełaruskaha pradpryjemstva za 18,5 młn. dołaraŭ ZŠA. Sioleta ŭ pašyreńnie vytvorčaści biełaruskaha pradpryjemstva VVN płanuje inviestavać 9,7 młn. dołaraŭ.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary