Vyjhryšnymi numarami stali 04, 25, 31, 52 i 59, a numar Powerball — 19.
Udzielnik łatarei Powerball sa štata Arkanzas vyjhraŭ džekpot pamieram 1,817 młrd dalaraŭ u rozyhryšy, jaki adbyŭsia ŭ sieradu napiaredadni Kaladaŭ, što zaviaršyła trochmiesiačny pieryjad bieź pieramožcy hałoŭnaha pryza, piša AP.
Vyjhryšnymi numarami stali 04, 25, 31, 52 i 59, a numar Powerball — 19.
Kančatkovyja prodažy biletaŭ pavialičyli sumu džekpotu bolš, čym čakałasia raniej, što zrabiła jaho druhim pa vieličyni ŭ historyi ZŠA i najbujniejšym pryzam Powerball u 2025 hodzie.
Pieramožca taksama mieŭ mahčymaść atrymać pryz adnym hrašovym płaciažom 834,9 młn dalaraŭ.
«Vinšujem najnoŭšaha pieramožcu džekpotu Powerball! Heta sapraŭdy vyklučny pryz, jaki źmianiaje žyćcio, — pryvodzić sajt słovy Meta Stroŭna, staršyni hrupy praduktaŭ Powerball i hienieralnaha dyrektara Łatarei štata Ajova. — My taksama chočam padziakavać usim hulcam, jakija ŭdzielničali ŭ hetaj sieryi rozyhryšaŭ: kožny nabyty bilet dapamahaje padtrymlivać dziaržaŭnyja prahramy i pasłuhi pa ŭsioj krainie».
Pryz byŭ razyhrany paśla 46 paśladoŭnych tyražoŭ, u jakich nichto nie adhadaŭ usie šeść numaroŭ.
Papiaredni rozyhryš ź pieramožcam džekpotu adbyŭsia 6 vieraśnia, kali hulcy sa štataŭ Misury i Techas vyjhrali 1,787 młrd dalaraŭ.
Arhanizatary adznačyli, što heta druhi vypadak, kali džekpot Powerball vyjhraŭ bilet, pradadzieny ŭ Arkanzasie. Upieršyniu heta adbyłosia ŭ 2010 hodzie.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma9
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary