Turmy paasobku
Urad unios u parlament zakonaprajekt ab źmienach i dapaŭnieńniach u Zakon ab paradku ŭtrymańnia pad vartaj asobaŭ, asudžanych da pazbaŭleńnia voli. U zakonaprajekcie prapanujecca asobna ŭtrymlivać asobaŭ, asudžanych upieršyniu, asudžanych paŭtorna, i tych, chto asudžany ŭpieršyniu, ale ŭčyniŭ pravaparušeńnie pa nieaściarožnaści. Jość taksama norma, pavodle jakoj zakonaparušalniki buduć utrymlivacca pa miescy žycharstva.
Pratestantaŭ dušać
Sudovaje pasiadžeńnie pavodle spravy administratara carkvy «Novaje žyćcio» Vasila Jureviča, jakoha vinavaciać u praviadzieńni niezakonnaha bahasłužeńnia, pieranieśli na 23 vieraśnia. Sudździa Maskoŭskaha rajonu Natalla Kuźniacova pryniała hetaje rašeńnie z pryčyny niedastatkovaj kolkaści śviedkaŭ z boku milicyi. U sieradu padtrymać administratara carkvy, jakuju Mienharvykankam pazbaviŭ jurydyčnaha adrasu, pryjšli 60 čałaviek.
20 vieraśnia Mienski haradzki sud (sudździa — Ała Krapiŭka) likvidavaŭ Biełaruskuju evanhielskuju carkvu. Kiraŭnik carkvy, pastar Ernst Sabiła praz chvarobu na pasiadžeńni nie prysutničaŭ.
«Łukojłu» dali dabro
U sieradu, 21 vieraśnia, kiraŭnik dziaržavy sustreŭsia z prezydentam «Łukojłu» Vahitam Alekpieravym. Baki damovilisia ab stvareńni sumiesnaj rasiejska-biełaruskaj hrupy ekspertaŭ pa pytańniach supracoŭnictva z rasiejskaj kampanijaj. Padčas sustrečy taksama było razhledžana pytańnie perspektyvaŭ zabieśpiačeńnia syravinaj naftapierapracoŭčych zavodaŭ u Mazyry i Navapołacku.
Raźvitańnie ź Vizentalem
U sieradu Viena raźvitvałasia z Symonam Vizentalem, što pamior u vieku 96 hadoŭ. Potym trunu z pamierłym dastavili ŭ Izrail dla pachavańnia. S.Vizental atrymaŭ viadomaść jak bieskampramisny palaŭničy za byłymi nacysckimi złačyncami. Hiensakratar AAN Kofi Anan zajaviŭ, što «z dapamohaj Vizentala śviet uśviadomiŭ: vinavatym u hienacydzie i złačynstvach suprać čałaviečnaści nia ŭdasca schavacca». Symon Vizental ciaham piaci dziesiacihodździaŭ uznačalvaŭ Fond svajho imia, što zajmaŭsia pošukam na ŭsich piaci kantynentach byłych nacysckich złačyncaŭ. Dva hady tamu jon pajšoŭ na pensiju. «Ja pieražyŭ ich usich, tamu sychodžu», — zajaviŭ jon žurnalistam.
AR, afn.by, interfax.by
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju6
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary