Adzinaja intryha, jakaja zastałasia na telebačańni, — jak aficyjnyja ŚMI buduć mačyć Milinkieviča?
Na błakitnym ekranie, na vialiki žal, usio pradkazalna. RTR: seryjał «Bratva nia płača» — zaraz čačeniec zakładzie minu pad AES, a jana nie babachnie dziakujučy hieraičnamu ŭčynku aficera FSB. «Euronews»: zaraz indeks Doŭ-Džonz abrubicca — vynik skačka cenaŭ na naftu, — i eksperty ŭ akularach pačnuć paryć niešta mudrahielistaje. «Discovery»: zaraz archieolahi adčyniać sarkafah Tutanchamona, a potym kalektyŭna praciahnuć kapyty ad prystupu sušniaku. «Ład»: zaraz busły pachavajuć svaje doŭhija nasy, a ŭ haražy zadrychnuć usie mašyny. Usio bačyli — pra ŭsio viedajem.
Adzinaja intryha, jakaja zastałasia na telebačańni, — jak aficyjnyja ŚMI buduć mačyć Milinkieviča? Klasyčna padaduć, jak zaŭsiody prezentavali demakrataŭ, — fašyst, narkaman i teraryst — ci naadvarot, prydumajuć niešta aryhinalnaje?
Amal try tydni minuła paśla histaryčnaj strełki na MAZie, a «Aktualny kamentar», «Panarama» i «Ŭ centry ŭvahi» ŭparta ihnarujuć haradzienskaha barbuda. Taki dziŭny padychod možna zrazumieć pa-roznamu.
Mahčyma, heta chitry taktyčny chod baćkavych pijarščykaŭ — chaładnakroŭna dačakacca, kali rejtynh «adzinaha» padskočyć da 99%, kab za dzień vybaraŭ źlić na «fizyka» śmiarotny kampramat: Milinkievič, Basajeŭ i Paźniak — rodnyja braty, vypadkova razłučanyja ŭ radzilnym domie.
Pa-druhoje, mahčyma, što našym palityčnym kamentataram dali ŭstanoŭku ničoha nie havaryć pra apazycyjnaha bosa, kab toj nie raskruciŭsia. Plan — zašybisia, kali b nie rasiejskija ŚMI. U takim razie deficyt infarmacyi pra Milinkieviča na BT budzie ŭsprymacca elektaratam jak adsutnaść na jaho jakoha b tam ni było kampramatu. Kali ŭžo BT ničoha nie nakapała, to palityk sapraŭdy čyścieńki, chieruvim, jakomu samaje miesca ŭ Čyrvonym domie.
Isnuje i treci, samy niepryjemny varyjant: kalektyŭ dziaržaŭnych prapahandystaŭ achapiŭ tvorčy zapor.
Mazhavyja šturmy iduć pa nastupnaj niepradukcyjnaj schiemie.
Palittechnolah A.: «Što b prydumać, što b prydumać…»
Palittechnolah B.: «Moža, voźmiem «Tryjumf voli» Ryfenštal i ŭkleim tudy tvar hetaha «adzinaha»?»
Palittechnolah A.: «Sastareła…»
Palittechnolah B.: «Moža, puścić plotki, što apazycyja naŭmysna vybrała svaim lideram fizyka, kab stvaryć minijaturnuju atamnuju bombu i arhanizavać terakt?..»
Palittechnolah A.: «Praśpisia! Vychodzić, što tvoj Milinkievič hienij, zdolny abahačać uran u chatnich umovach? Hienij idzie na vybary. Ja ŭžo baču zahałovak u «Moskovskom komsomolcie»: «Fizyk suprać šyzika».
Palittechnolah B.: «Što b prydumać, što b prydumać…»
Apošni varyjant, naturalna, samy fihovy. Kali ajčynnyja Paŭłoŭskija ničoha nie prydumajuć, to tak i pryjdziecca uvieś sezon padychać ad nudy.
Ładna, Azaronak, nia parsia. Daru ideju: treba razahnać, što Milinkievičava babka u 1941-m praviała ŭ tył linii Stalina kalonu fašysckich tankaŭ.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary