28 listapada pajšoŭ z žyćcia Aleh Surski, viadomy biełaruski mastactvaznaŭca, majstar
Jon stajaŭ la vytokaŭ škoły biełaruskaj mastackaj krytyki, adzin ź pieršych u Biełarusi zajmaŭsia pytańniami techničnaj estetyki, publikavaŭsia ŭ bujnych savieckich i zamiežnych vydańniach. Jaho manahrafii i publikacyi byli pryśviečanyja viadomym biełaruskim mastakam: Barysu Zaboravu, Vasilu Sumaravu, Maju Dancyhu, Viktaru Hramyku, Vitalu Ćvirku, Hieorhiju Papłaŭskamu, Abramu Krolu i inš. Jak dyzajnier stvaraŭ unikalnyja ab'
Jaho tvorčaje kreda sfarmavałasia ŭ epochu «adlihi», epochu łomki stereatypaŭ i ideałahičnych tabu. Aleh Surski byŭ siarod dziejačaŭ kultury, jakija adstojvali ŭsio novaje i žyvoje ŭ baraćbie ź iłžyvymi ideałami minułaha. Vydatny i jasny rozum, šyrokaja adukavanaść, udałaje spałučeńnie krytyka i mastaka ŭ adnoj asobie, zaŭsiodnaja dobrazyčlivaść, vyklučnaja asabistaja abajalnaść zrabili jaho prykmietnaj fihuraj u biełaruskaj mastackaj kultury.
Aleh Surski naradziŭsia 16 krasavika 1928 h. u Tbilisi (Hruzija). Vučyŭsia ŭ Tbiliskim avijacyjnym technikumie, u 1952 h. skončyŭ Biełaruski dziaržaŭny ŭniviersitet. Udzielnik vystavaŭ z 1947 h. Siabra Sajuza žurnalistaŭ SSSR, Sajuza mastakoŭ SSSR, Mižnarodnaj asacyjacyi krytykaŭ mastactva pry JUNIESKA, Asacyjacyi mastactvaznaŭcaŭ SND, Biełaruskaha sajuza dyzajnieraŭ.
Raźvitańnie z Aleham Surskim adbudziecca 30 listapada z 11.00 da 13.00 pa adrasie: vuł. Ja. Kołasa, 29a (Biełaruski sajuz mastakoŭ).
Kamientary