Alaksandr Łukašenka patrabuje maksimalna efiektyŭna vykarystoŭvać mahčymaści Biełarusi pa vytvorčaści i ekspartu minieralnych uhnajeńniaŭ. Ab hetym jon zajaviŭ siońnia na naradzie pa pytańni realizacyi kalijnych uhnajeńniaŭ na ekspart.
«Mianie infarmujuć ab tym, što byccam by rynki siońnia pierapoŭnieny, padajuć ceny, i vytvorcy źnižajuć vytvorčaść. Nie viedaju, jak inšyja vytvorcy, ale naš sapraŭdy źnižaje vytvorčaść, niahledziačy na vialiki zapas vytvorčych mahutnaściej», — skazaŭ jon.
Łukašenka adznačyŭ, što chacieŭ by abmierkavać z udzielnikami narady fundamientalnaje pytańnie — zdabyčy ŭ krainie kalijnych, vytvorčaści fosfarnych i azotnych uhnajeńniaŭ.«My z vami vielmi šmat havaryli ab vytvorčaści źmiešanych uhnajeńniaŭ. Jak tut u nas vyrašajucca pytańni? Pradavać uhnajeńni dobra, ale jašče lepš pradavać źmiešanyja abo kompleksnyja ŭhnajeńni, heta zusim inšaja cana i inšaja sprava», — skazaŭ Prezident. «My ab hetym ŭžo daŭno havaryli, i va ŭradzie niedzie pylacca čarhovy raz hetyja płany», — dadaŭ jon. Alaksandr Łukašenka zapatrabavaŭ dałažyć, jak iduć spravy pa budaŭnictvie mahutnaściej pa źmiešvańni kalijnych, azotnych i fosfarnych uhnajeńniaŭ. Akramia taho, jon pacikaviŭsia stanam spravy ŭ Biełaruskaj kalijnaj kampanii, jak idzie vytvorčaść i realizacyja ŭhnajeńniaŭ.
«Chacieŭ by pačuć, jak iduć spravy na kalijnym rynku, taksama z našymi hałoŭnymi rasijskimi partniorami, ci damovilisia, i kali damovilisia, što vy płanujecie zrabić u pierśpiektyvie?» — skazaŭ Łukašenka. Pry hetym jon padkreśliŭ: «Chaču pieraścierahčy ad trafaretnych razvažańniaŭ, jakija mnie vielmi dobra viadomy. Heta čysta biełaruski mientalitet: jak by nie stupić lišni raz, kab nie pravalicca, a raptam abvalicca — hadańni na kafiejnaj huščy ŭ hetym kabiniecie nie patrebny. Mnie patrebny kankretnyja prapanovy».
Kamientary