Аляксандр Лукашэнка патрабуе максімальна эфектыўна выкарыстоўваць магчымасці Беларусі па вытворчасці і экспарту мінеральных угнаенняў. Аб гэтым ён заявіў сёння на нарадзе па пытанні рэалізацыі калійных угнаенняў на экспарт.
«Мяне інфармуюць аб тым, што быццам бы рынкі сёння перапоўнены, падаюць цэны, і вытворцы зніжаюць вытворчасць. Не ведаю, як іншыя вытворцы, але наш сапраўды зніжае вытворчасць, нягледзячы на вялікі запас вытворчых магутнасцей», — сказаў ён.
Лукашэнка адзначыў, што хацеў бы абмеркаваць з удзельнікамі нарады фундаментальнае пытанне — здабычы ў краіне калійных, вытворчасці фосфарных і азотных угнаенняў.«Мы з вамі вельмі шмат гаварылі аб вытворчасці змешаных угнаенняў. Як тут у нас вырашаюцца пытанні? Прадаваць угнаенні добра, але яшчэ лепш прадаваць змешаныя або комплексныя ўгнаенні, гэта зусім іншая цана і іншая справа», — сказаў Прэзідэнт. «Мы аб гэтым ўжо даўно гаварылі, і ва ўрадзе недзе пыляцца чарговы раз гэтыя планы», — дадаў ён. Аляксандр Лукашэнка запатрабаваў далажыць, як ідуць справы па будаўніцтве магутнасцей па змешванні калійных, азотных і фосфарных угнаенняў. Акрамя таго, ён пацікавіўся станам справы ў Беларускай калійнай кампаніі, як ідзе вытворчасць і рэалізацыя ўгнаенняў.
«Хацеў бы пачуць, як ідуць справы на калійным рынку, таксама з нашымі галоўнымі расійскімі партнёрамі, ці дамовіліся, і калі дамовіліся, што вы плануеце зрабіць у перспектыве?» — сказаў Лукашэнка. Пры гэтым ён падкрэсліў: «Хачу перасцерагчы ад трафарэтных разважанняў, якія мне вельмі добра вядомы. Гэта чыста беларускі менталітэт: як бы не ступіць лішні раз, каб не праваліцца, а раптам абваліцца — гаданні на кафейнай гушчы ў гэтым кабінеце не патрэбны. Мне патрэбны канкрэтныя прапановы».
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары