Mietearytny doždž dasiahnuŭ piku: vyjdziecie ŭviečary na vulicu — i prosta hladzicie na nieba
Štohadovy mietearytny patok Hieminidy ŭ noč z čaćviarha na piatnicu dasiahnuŭ piku ŭ zachodniaj častcy paŭnočnaha paŭšarja.
Radyjant patoku (vobłaść niabiesnaj śfiery, što źjaŭlajecca krynicaj mieteoraŭ) znachodzicca pobač z Kastaram — najiarčejšaj zorkaj suzorja Bliźniataŭ.
Čakajecca, što možna budzie nazirać za dziasiatkami «padajučych zorak», patok jakich budzie dobra bačny dziakujučy maładziku, što robić nieba ciamniejšym.Astranomy kažuć, što kožnuju hadzinu na Ziamlu budzie padać u siarednim niekalki dziasiatkaŭ zorak.
Mietearytny doždž adbyvajecca štohod, kali Ziamla pierasiakaje šlach asteroida pad nazvaj 3200 Faeton.
Asteroid pakidaje za saboj śled sa skalistych abłomkaŭ, jakija ruchajucca ŭ kosmasie z chutkaściu 35 km u siekundu. Pry prachodžańni kala Ziamli abłomki zharajuć u atmaśfiery, pakidajučy pryhožy śled.
Pavodle źviestak Mižnarodnaj arhanizacyi mieteoraŭ, u paŭdniovym paŭšarji źjaŭleńnia Radyjanta varta čakać kala apoŭnačy pa miascovym časie.
«Tyja, chto nie laža spać hetaj nočy [ŭ paŭnočnym paŭšarji], ubačać Radyjant amal prosta nad hałavoj, i možna budzie hladzieć u lubym kirunku i bačyć mietearytny doždž»,— skazaŭ
«Vyjdzicie na vulicu, zachutajciesia dobra, uładkujciesia ŭ zručnym kreśle, rassłabciesia i atrymlivajcie asałodu ad pryhožaha vidovišča», — dadaŭ astrafizik.
«U hadzinu moža być 30 mieteoraŭ, moža być i 100. Ale heta tolki siarednija ličby.
Moža zdarycca tak, što na praciahu 10 chvilin vy ničoha nie ŭbačycie, a ŭ nastupnyja 10 chvilin ŭbačycie 30».
Hieminidy mienš viadomyja pa paraŭnańni ź inšymi štohadovymi mieteornymi patokami, takimi, naprykład, jak Piersieidy, pakolki nazirać za imi časta pieraškadžaje charakternaje dla śniežnia pachmurnaje nadvorje.
Kamientary