«Jašče dvoje dziaciej u reanimacyi», — bjuć tryvohu ludzi.
«Tak, pamierli dzieci. Dziaŭčynka 14 hadoŭ,
Hałoŭny doktar Centralnaj rajonnaj balnicy Ašmianaŭ Uładzimir Kunc paviedamiŭ, što na dadzieny momant u špitali z dyjahnazam «mieninhit» pacyjentaŭ niama. Ad dalejšych kamientaroŭ śpiecyjalist admoviŭsia: «Pryjazdžajcie, ja dam vam usiu infarmacyju».
«Na siońniašni dzień u rajonie zarehistravanyja dva vypadki mieninhitu sa śmiarotnym vynikam, — skazaŭ hałoŭny sanitarny doktar Ašmianskaha rajona Ivan Malina, — heta vokamhniennaja forma raźvićcia chvaroby».
Ludzi, jakija znachodzilisia ŭ kantakcie z hetymi dziećmi, siońnia pad nahladam: jany abśledavanyja, u ich uziatyja łabaratornyja analizy, kaža Ivan Dzianisavič.
Ci jość jašče vypadki z padazreńniem na mieninhit, hałoŭny sanitarny doktar adkazać nie moža:«U rajonie žyvie 15 tysiač čałaviek, i praź situacyju, jakaja skłałasia, usie baćki padazrajuć u svaim dziciaci najaŭnaść zachvorvańnia». Da taho ž, «ciapier siezon uzdymu VRVI, a mieninhit ciažka adroźnić ad virusnaj infiekcyi, jakaja taksama moža supravadžacca hałaŭnym bolem i tempieraturaj».
Akramia častaha hałaŭnoha bolu i vysokaj tempieratury mieninhit, pa słovach Ivana Maliny, charaktaryzujecca rvotaj, što nie prynosić palohki. A ŭ vypadku małankavaj formy — hiemarahičnym (abo tak zvanym zorkavym) sypam.
Pa słovach čytača Tut.by, baćkoŭ abzvońvajuć i prosiać ustrymacca ad naviedvańnia dziećmi škoł i sadkoŭ. «Maje svajaki nie paviaduć dzicia — heta dakładna», — kaža čytač.
Abmiežavalnych mierapryjemstvaŭ u rajonie nie praduhledžana, kaža Ivan Malina. «My źbiralisia z usimi dyrektarami škoł. Heta nie epidemija».
Žychary Ašmian skuplajuć u aptekach antybijotyki.«Pravilna pryznačany antybijotyk — dobraja prafiłaktyčnaja miera, — adznačaje Malina. — Tak, pry pieršych prykmietach VRVI treba vyklikać doktara. Adnak biez pryznačeńnia, a tym bolš biez prykmiet zachvorvańnia prymać antybijotyki nie varta».
Hałoŭny sanitarny doktar Ašmianskaha rajona raić žycharam takija mietady prafiłaktyki mieninhitu: častyja prahułki na śviežym pavietry, nie pieraachałodžvacca, zaniatki sportam i pryjom vitaminaŭ.
Ministerstva achovy zdaroŭja zapeŭnivaje, što ŭ Ašmianach nijakaja nie epidemija, a prosta łakalnaja ŭspyška infiekcyi. Pra heta žurnalistam u Minsku 9 studzienia zajaviŭ hałoŭny pazaštatny śpiecyjalist Ministerstva achovy zdaroŭja pa infiekcyjnych chvarobach Ihar Karpaŭ.
Pavodle słoŭ Karpava, štohod u Biełarusi rehistrujuć śmiarotnyja vypadki mieninhakokavaj infiekcyi, ale jany adzinkavyja.
Śpiecyjalist padkreśliŭ nieabchodnaść «maksimalna svoječasova» źviartacca pa miedycynskuju dapamohu, kali ŭ dziciaci, u tym liku padletka, vysokaja tempieratura.Prykmietami mieninhakokavaj infiekcyi mohuć być taksama vysypka na ciele ci młości. Śmierć ad infiekcyi pry adsutnaści miedycynskaj dapamohi moža nastupić užo praz sutki paśla źjaŭleńnia pieršych simptomaŭ chvaroby.
U svaju čarhu zahadčyca adździaleńnia imunaprafiłaktyki Respublikanskaha centra hihijeny, epidemijałohii i hramadskaha zdaroŭja Vieranika Šymanovič adznačyła, što 2012 hod byŭ adznačany nizkim uzroŭniem zachvorvańnia na mieninhakokavuju infiekcyju.
Hałoŭny epidemijołah Ina Karaban paviedamiła, što ŭ cełym epidemijałahičnaja situacyja pa infiekcyjnych zachvorvańniach u 2012 hodzie ŭ Biełarusi była dobraj. «U nas nie rehistravalisia asabliva niebiaśpiečnyja infiekcyi. U nas nie rehistravalisia asabliva vialikija ŭspyški inšych zachvorvańniaŭ», — skazała Karaban. Pavodle jaje słoŭ, i kišečnyja infiekcyi, i
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby9
Kamientary