Pastaru carkvy «Novaje žyćcio» Viačasłavu Hančarenku admoŭlena ŭ pryjomie ŭ staršyni Minharvykankama Mikałaja Ładućki.Ułady horada 15 studzienia prainfarmavali ab hetym carkvu pa telefonie, paviedamiŭ juryst «Novaha žyćcia» Siarhiej Łukanin.
Pavodle jaho słoŭ, arhumientavana heta rašeńnie tym, što «pytańnie, jakoje płanavałasia abmierkavać na sustrečy, nie ŭvachodzić u kampietencyju staršyni Minharvykankama».
«My chacieli abmierkavać adzinaje pytańnie, jakoje tyčycca admieny rašeńnia Minharvykankama ad 17 žniŭnia 2005 hoda (ab kanfiskacyi ŭ abščyny ziamli i budynka),na padstavie jakoha pačaŭsia jurydyčny pieraśled našaj carkvy, — skazaŭ Łukanin. — Dziŭna, što pytańnie admieny ŭłasnaha rašeńnia znachodzicca
Juryst nahadaŭ, što damahacca sustrečy z kiraŭnikom horada carkva pačała 30 listapada 2012 hoda. «Tady ja razmaŭlaŭ z namieśnikam načalnika adździeła pa pracy sa zvarotami hramadzian i jurydyčnych asob Minharvykankama Inaj Kavalenkaj. Jana mnie paabiacała, što pieradaść prośbu ŭ aparat staršyni vykankama. Potym patelefanavała ŭ siaredzinie śniežnia i skazała, što idzie aktyŭnaja vypracoŭka ŭzvažanaha rašeńnia ŭ dačynieńni da carkvy „Novaje žyćcio“. Kazała, što vykankam viadzie aktyŭnuju pierapisku z vyšejšymi arhanizacyjami pa našym pytańni. Płanavałasia, što sustreča adbudziecca ŭ studzieni», — skazaŭ Łukanin.
Pavodle jaho słoŭ, biez adkazu zastalisia piśmovyja zvaroty ŭ Administracyju prezidenta i ŭrad krainy, jakija carkva adpraviła 3 i 4 śniežnia minułaha hoda.U ich «Novaje žyćcio» taksama prasiła admieny rašeńnia minskich uład ab kanfiskacyi ziamli i budynka.
Adziny aficyjny adkaz carkva atrymała ad upaŭnavažanaha pa spravach relihij i nacyjanalnaściaŭ — na adozvu pastaraŭ jevanhielskich cerkvaŭ, jakuju jany padpisali ŭ abaronu «Novaha žyćcia». Jak zajaviŭ Łukanin, adkaz upaŭnavažanaha ździviŭ ź jurydyčnaha punkta hledžańnia. U dakumiencie adznačałasia, što pytańnie admieny rašeńniaŭ Minharvykankama znachodzicca ŭ kampietencyi sudovych instancyj. «Dla mianie heta taki ž nonsens, jak kali b skazali, što pytańni admieny rašeńniaŭ suda znachodziacca ŭ padparadkavańni vykankama», — rastłumačyŭ juryst. Akramia taho, u papiery jość prypiska, jakaja abviaščaje, što «Vyšejšy haspadarčy sud užo admoviŭ u mahčymaści abskardzić hetaje rašeńnie».
«U Kanstytucyi havorycca pra toje, što haliny ŭłady ŭ Biełarusi samastojnyja i ni ŭ jakim razie nie pavinny ŭmiešvacca ŭ kampietencyju adzin adnaho», — adznačyŭ Łukanin.
Haradskija ŭłady na ciapierašnim etapie vyrašyli pakinuć situacyju vakoł carkvy ŭ padviešanym stanie. Na praciahu hetaha tydnia, skazaŭ juryst, pradstaŭniki «Novaha žyćcia» płanujuć vypracavać peŭnuju stratehiju svaich dalejšych dziejańniaŭ.
-
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ
-
Biełarus, uziaty ŭ pałon ukraincami, źviarnuŭsia da Łukašenki z prośbaj zakinuć za jaho słoŭca pierad Pucinym
-
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB17
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary