Ministerstva ekanamičnaha raźvićcia i handlu Ukrainy prapanuje admovicca ad pieravodu hadzińnikaŭ na «letni» čas i pakinuć tolki «zimovy» hadzinavy pojas.
Zakonaprajekt apublikavany na sajcie ministerstva.
«Na terytoryi Ukrainy ŭvodzicca čas druhoha hadzinavaha pojasu (kijeŭski čas) biez štohadovaha pieravodu hadzińnikavaj strełki. Taki paradak vyličeńnia času nakiravany na zabieśpiačeńnie palapšeńnia stanu zdaroŭja hramadzianaŭ, pavyšeńnie pracazdolnaści nasielnictva, źmianšeńnia kolkaści avaryj», — havorycca ŭ aficyjnym tłumačeńni. Kali zakon budzie pryniaty, jon pačnie dziejničać 1 sakavika 2013 hoda.
Ukraina štohod dvojčy pieravodzić strełki hadzińnikaŭ — u apošniuju niadzielu sakavika i ŭ apošniuju niadzielu kastryčnika
Na hety momant roźnica ŭ časie pamiž Minskam i Kijevam skaładaje adnu hadzinu — Miensk žyvie na hadzinu raniej. Kali novy zakon va Ukrainie budzie pryniaty, čas Minska i Kijeva zraŭniajecca.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii1
Kamientary