Na pomnik Kupału ŭ Maładziečnie niama hrošaj
Pra heta raspavioŭ načalnik adździeła kultury Maładziečanskaha rajvykankama Alaksandr Ramanovič:
— Prajekt pomnika skulptara Valarjana Januškieviča hatovy, prajšoŭ ekśpiertyzu.Ale na jaho realizacyju ciapier u biudžecie srodkaŭ niama.
A nieabchodna adzin miljard dźvieście tysiač rubloŭ.
— A čamu b nie arhanizavać zbor srodkaŭ siarod maładziečancaŭ?
— Na pomnik Ahinskamu, jaki ciapier staić kala muzkaledža, srodki źbirali siarod haradžan, i hetu ideju padtrymali.A voś na Novy hod prapanavali maładziečancam ukłaści hrošy ŭ fiejervierki — i atrymali chvalu ŭščuvańniaŭ. Chacia, na moj pohlad, heta narmalnaja praktyka, kali ludzi płaciać za svajo zadavalnieńnie, za fiejervierki.
Datyčna pomnika Kupału, to nie viedaju, ci spracuje taki varyjant. Viadoma, heta prykra, što prajšoŭ i jubilej, 130 hod pieśniaru, a pomnik nie źjaviŭsia tut, na jaho radzimie. Inicyjatyvy pa zboru srodkaŭ pakul taksama niama.
Kamientary