Za pieršyja 10 miesiacaŭ 2025 hoda Rasija pastaviła na zamiežnyja rynki kala 47 tysiač ton bulbianych čypsaŭ na sumu bolš za 201 miljon dalaraŭ. Pry hetym Biełaruś akazałasia hałoŭnym pakupnikom — na jaje prychodzicca 43% usich zakupak. Pra heta śviedčać danyja «Ahraekspartu», piša Office Life.
U paraŭnańni ź minułym hodam ekspart rasijskich čypsaŭ pavialičyŭsia na 6% pa abjomie i na 17% pa košcie, niahledziačy na toje, što 2024 hod byŭ rekordnym pa pastaŭkach hetaj pradukcyi. Biełaruś za 10 miesiacaŭ kupiła čypsaŭ na bolš čym 86 miljonaŭ dalaraŭ.
Akramia jaje, u trojku hałoŭnych pakupnikoŭ rasijskaj pradukcyi taksama ŭvajšli Kazachstan (kala 57 miljonaŭ dalaraŭ) i Uźbiekistan (kala 20 miljonaŭ dalaraŭ).
Pa danych ITC Trade Map, u 2024 hodzie hałoŭnymi pastaŭščykami bulbianych čypsaŭ u śviecie byli Niderłandy ($543 miljony), Bielhija ($482 miljony) i ZŠA ($363 miljony).
Kamientary
Kak i prichoditsia, pieriechodiť ot biełaruskoho k pakistano-indijsko-uźbieksko-turkmieno-russkomu...