Šviejcarski bar, u jakim zhareli na Novy hod 40 čałaviek, nie praviaraŭsia na praciahu piaci hadoŭ
Bienhalskija ahni, jakija, jak miarkujecca, stali pryčynaj pažaru, buduć zabaronienyja ŭ miascovych zabaŭlalnych ustanovach.
Šviejcarski bar, u jakim adbyŭsia pažar, što zabraŭ žyćci 40 čałaviek i pryvioŭ da traŭmavańnia 116-ci, na praciahu piaci hadoŭ nie prachodziŭ pravierki biaśpieki, paviedamlajuć ułady, piša Bi-bi-si.
Mer Kran-Mantany Nikala Fiero na pres-kanfierencyi ŭ aŭtorak zajaviŭ, što nie moža patłumačyć, čamu bar La Constellation tak doŭha nie praviaraŭsia, adnak padkreśliŭ, što haradskaja rada «hłyboka škaduje» pra toje, što adbyłosia.
«My škadujem pra heta — my abaviazanyja siemjam i voźmiem na siabie adkaznaść», — skazaŭ jon.
Fiero dadaŭ, što bienhalskija ahni, jakija, jak miarkujecca, stali pryčynaj pažaru, buduć zabaronienyja ŭ miascovych zabaŭlalnych ustanovach.
Miascovyja ŭłady taksama pryciahnuć źniešniaha padradčyka dla pravierki i aŭdytu ŭsich 128 ustanoŭ u rehijonie. Jon pryznaŭ, što kamanda ź piaci čałaviek praviarała bolš za 10 000 budynkaŭ, i patłumačyŭ, što ŭ 2016 hodzie čatyry viaskovyja rady abjadnalisia ŭ adzin bolšy orhan ułady — Kran-Mantanu.
Adkazvajučy na šmatlikija pytańni pra toje, čamu bar tak doŭha nie praviaraŭsia, Fiero skazaŭ: «Siońnia ŭ mianie niama adkazu».
«My hłyboka škadujem pra heta i razumiejem, nakolki ciažka budzie siemjam».
«Ja nie źbirajusia sychodzić u adstaŭku — nie, i nie chaču hetaha rabić», — dadaŭ jon paźniej.
Taksama jon adznačyŭ, što «heta budzie vyrašać sud», majučy na ŭvazie, ci stanie haradskaja ŭłada bokam u spravie ŭ miežach kryminalnaha rasśledavańnia, raspačataha šviejcarskimi prakurorami.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ9
Kamientary