Unučki Łukašenki chočuć bolš biełaruskaj movy ŭ škole
18 studzienia ŭ muziei Jakuba Kołasa ŭznaharodžvali pieramožcaŭ litaraturnaha konkursa «Hulaj, zima, tvaja časina!». Pieršaje miesca ŭ im zaniali Darja i Nastaśsia — dočki Dźmitryja Łukašenki.
Jany pieramahli ŭ katehoryi «Tvorčyja raboty małodšych školnikaŭ». Dziaŭčynki skazali, što biełaruskaj movie ich vučać nastaŭniki i vykazali žadańnie, kab u škole było bolš zaniatkaŭ biełaruskaj. Doma ž z baćkami Darja i Nastaśsia razmaŭlajuć pa-rasiejsku.
Druhakłaśnica Darja i treciakłaśnica Nastaśsia dasłali na spabornictva apaviadańnie pra śniehavika i kazku pra adnaroha. Pisali jany pa-biełarusku. Darja skazała, što z napisańniem sačynieńnia krychu dapamahała maci: «Matula dapamahała pierakładać niekatoryja słovy z rasiejskaj na biełaruskuju», — raspaviała dziaŭčynka.
Na imprezu dziaŭčatak pryviezła mama — Hanna Łukašenka. Ich supravadžali dva achoŭniki. Žurnalistaŭ sabrałasia stolki, što nie ŭsim chapiła miesca ŭ asnoŭnaj zale.
A dziaŭčatki navat padčas aficyjnych pramovaŭ harezili i ŭśmichalisia.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary