U Astanie zatrymana hrupa vykradalnikaŭ aŭtamabilaŭ, hramadzian Kazachstana, dvoje ź jakich pryznalisia ŭ zabojstvie ŭ Minsku ŭ śniežni minułaha hoda svajho suajčyńnika i hramadzianina Rasii.
Ab hetym BiełaPAN paviedamili ŭ biełaruskich śledčych orhanach. Aficyjnaj infarmacyi nakont hetaha pakul niama.
Nahadajem, dvoje nieviadomych mužčyn byli znojdzieny miortvymi z nažavymi ranieńniami 10 śniežnia na zdymnaj kvatery na vulicy Mirašničenki ŭ Minsku.
15 śniežnia byŭ apaznany hramadzianin Kazachstana, žychar Astany 1979 hoda naradžeńnia, 17 śniežnia — hramadzianin Rasii, žychar Omska 1979 hoda naradžeńnia. Abodvuch apaznali siostry, jakija pryjazdžali ŭ Minsk. Pracedura apaznańnia pravodziłasia ŭ prysutnaści konsułaŭ Kazachstana i Rasii.
Sprava pa fakcie zabojstva dvuch čałaviek pa p. 1 č. 2 art. 139 Kryminalnaha kodeksa znachodzicca ŭ vytvorčaści USK pa Minsku.
Zahinułyja pryjechali ŭ Minsk dla kupli aŭtamabila.
Kamientary