Ukraina źbirajecca zaklučyć z Royal Dutch Shell pahadnieńnie ab hieałahičnym raźviedvańni i zdabyčy słancavaha hazu.
Pra heta paviedamlaje The Financial Times. Patencyjnaja suma kantraktu — 10 młrd dalaraŭ z hakam, heta budzie najbujniejšaja ŭ Jeŭropie inviestycyja ŭ «nietradycyjnyja» radoviščy hazu, a taksama najbujniejšaja zamiežnaja inviestycyja va Ukrainie.
Pahadnieńnie, jakoje praduhledžvaje vyrab pradukcyi, budzie padpisanaje ŭ Davosie. «Tearetyčna heta važny krok, jaki źnizić zaležnaść Ukrainy ad darahich pastavak «Hazprama», — piša vydańnie, tłumačačy, što dla rasijskaj manapolii Ukraina — najbujniejšy zamiežny pakupnik.
Mahčyma, hety krok taksama daść novaje žyćcio asvajeńniu nietradycyjnych i słancavych radoviščaŭ hazu ŭ Jeŭropie, adznačaje hazieta. Zapłanavanaje asvajeńnie zatrymałasia, bo niekalki krain, kłapociačysia pra ekałohiju, uviali maratoryj na ŭžyvańnie frakinhu — technałohii hidraŭličnaha razryvu płastoŭ, a prahnozy nieraźviedanych zapasaŭ byli pierahledžanyja ŭ bok panižeńnia.
Ukraina, jak miarkujecca, maje treci pa vieličyni zapas słancavaha hazu ŭ Jeŭropie. Jana spadziajecca paŭtaryć paŭnočnaamierykanski bum, jaki pieratvaryŭ ZŠA ź imparciora hazu ŭ jaho pierśpiektyŭnaha eksparciora.
Apazicyjnyja partyi pratestujuć, kažučy pra niebiaśpieku zdabyčy słancavaha hazu dla navakolnaha asiarodździa. Ale aŭtary artykuła miarkujuć, što Janukovič prapchnie pahadnieńnie: «Ukrainu vabić pierśpiektyva asłabić zaležnaść ad rasijskaha hazu». Pierśpiektyva zdabyčy słancavaha hazu ŭmacuje pazicyi Ukrainy na pieramovach z «Hazpramam», meta jakich — pierahlad kantraktu, zaklučanaha ŭ 2009 hodzie.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary