Novaja elita pabudavała sabie Jeŭropu ŭ asobna ŭziatym kvartale. Repartaž Jahora Marcinoviča i Siarhieja Hudzilina čytajcie ŭ śviežym numary (№4) «Našaj Nivy».
Pobač z rezidencyjaj «Drazdy» Alaksandra Łukašenki, na bierazie Śvisłačy na paŭnočnym zachadzie Minska, za apošnija 10 hadoŭ vyras utulny katedžavy pasiołak.
Na niekalkich kvadratnych kiłamietrach tut možna sustreć ciapierašniaha i byłych premjeraŭ, staršyń pałataŭ, ministraŭ, biznesmenaŭ, chakieistaŭ dy inšych niaprostych biełarusaŭ.Historyja hetaha kłubnaha pasiołka pačałasia ŭ siaredzinie
«Naša Niva» prapanuje ekskursiju pa vulicach Drazdoŭ. Dzie žyvie Viktar Šejman, a dzie Piatro Prakapovič? Ci katedž biznesoŭcy Juryja Čyža daražejšy za dom byłoha prakurora Ryhora Vasileviča? Na fonie jakoha doma fatahrafavałasia maładaja žonka chakiejnaha treniera Michaiła Zacharava?
U savieckija časy namienkłatura atrymlivała biez čarhi trochi bolšyja kvatery. Ciapier heta vialikija damy.
U savieckija časy čynoŭniki žyli ŭpieramiešku ź dziejačami kultury i navuki. Ciapier — amal vyklučna ź biznesoŭcami i spartoŭcami.
Kali paraŭnać z ładam žyćcia top-čynoŭnikaŭ i biznesoŭcaŭ Rasii ci Ukrainy, biełaruskija žyvuć našmat ściplej.I pamiery damoŭ mienšyja, i nie afišujuć jany svajoj zamožnaści. Taho patrabujuć normy etyki, jakija nie raz publična ahučvaŭ Łukašenka: «nie vystaŭlać bahaćcia napakaz».
Ale ž damy ŭ Drazdach darahija: ź niatannych materyjałaŭ, ź niemałymi pa haradskich mierkach učastkami, pa nietypovych prajektach. I hałoŭnaje — u supierdarahim miescy, kala praśpiekta Pieramožcaŭ.
U paraŭnańni ž sa Šviecyjaj, Čechijaj ci Litvoj vyhladaje takoje Carskaje siało dziŭnavata. Pa-pieršaje, tam nie pryniata, kab ułada naležała niejkaj kaście, jakaja navat žyvie ŭ asobnych pasiołkach. Pa-druhoje, sam praces adnačasovaha budaŭnictva čynoŭnikami i biznesmenami katedžaŭ u adnym pasiołku staŭ by abjektam hramadskaj uvahi.
Pasiołak Drazdy možna z poŭnym pravam nazvać Carskim siałom.I pa bahaćci, i pa sposabie jaho stvareńnia. Faktyčna, jaho žychary atrymali svaje damy ad «cara». Alaksandr Łukašenka stvaryŭ, źlapiŭ hetuju elitu, złučyŭšy razam čynoŭnikaŭ i biznesoŭcaŭ. I pasialiŭ pobač z saboj.
Repartaž Jahora Marcinoviča i Siarhieja Hudzilina čytajcie ŭ śviežym numary (№4) «Našaj Nivy».
Novy numar možna nabyć ŭ Minsku ŭžo zaraz u kijoskach Biełsajuzdruka ci Biełpošty, a taksama ŭ adździaleńniach pošty, a ŭ rehijonach — z ranicy čaćviarha.
Nahadajem: na «Našu Nivu» ciapier možna lohka i vyhadna padpisacca. Pryčym apłacić padpisku možna i praź internet. Pra ŭmovy padpiski čytajcie tut.
…A pračytaŭšy hazietu, ukińcie ŭ skrynku susiedu.
Kamientary