Pa źviestkach Słužby biaśpieki Ukrainy, Ofisa Hienprakurora i Dziaržaŭnaha biuro rasśledavańniaŭ, narodnamu deputatu Ukrainy Jaŭhienu Šaŭčenku, jaki ŭžo znachodzicca pad vartaj ź listapada 2024 hoda za dziaržaŭnuju zdradu, vystaŭlena novaje abvinavačańnie.
Śledstva vyjaviła, što deputat nibyta padmanam vymańvaŭ hrošy ŭ adnoj z ukrainskich kampanij, jakaja zakuplała minieralnyja ŭhnajeńni ŭ Biełarusi. Skarystaŭšysia svaimi suviaziami ź biełaruskim režymam, jon štučna stvaraŭ pieraškody dla pastavak tavaraŭ i patrabavaŭ chabar u pamiery 14,5 miljona hryŭniaŭ (kala 4,5 miljona dalaraŭ) za «vyrašeńnie prablemy». Hrošy trapili na rachunki kamiercyjnaj firmy, jakaja naležyć jahonamu synu.
Taksama jość dokazy, što Jaŭhien Šaŭčenka rehularna atrymlivaŭ adkaty za toje, što prapanoŭvaŭ inšym ukrainskim kampanijam dostup da biełaruskich kvotaŭ na ŭhnajeńni.
Na padstavie sabranych dokazaŭ deputatu vystaŭlena abvinavačańnie ŭ bujnym machlarstvie (č. 4 art. 190 Kryminalnaha kodeksa Ukrainy).
Jaŭhien Šaŭčenka atrymaŭ viadomaść jak aktyŭny prychilnik Łukašenki i łabist jaho intaresaŭ va Ukrainie. Jon naviedvaŭ Biełaruś jašče ŭ 2021 hodzie, dzie ŭdzielničaŭ u prapahandysckich mierapryjemstvach i sustrakaŭsia z Łukašenkam. Paśla hetaha Šaŭčenku vyklučyli z frakcyi «Słuha naroda».
Kiraŭnik HUR Kirył Budanaŭ paźniej pryznavaŭsia, što ŭkrainskaja raźviedka vykarystoŭvała suviazi Šaŭčenki ŭ vyšejšym kiraŭnictvie Biełarusi ŭ svaich intaresach.
Tym nie mienš, 11 listapada 2024 hoda suprać Jaŭhiena Šaŭčenki zaviali kryminalnuju spravu pa abvinačavańni ŭ dziaržaŭnaj zdradzie. Jamu pahražaje ad 12 da 15 hadoŭ źniavoleńnia z kanfiskacyjaj abo biez kanfiskacyi majomaści za dziaržaŭnuju zdradu.
Spravu Šaŭčenki viaduć śledčyja Dziaržaŭnaha biuro rasśledavańniaŭ — mienavita hetaja ŭstanova maje paŭnamoctvy zajmacca spravami, u jakich fihurujuć dziaržaŭnyja čynoŭniki.
Ukrainskamu deputatu Jaŭhienu Šaŭčenku pahražaje pažyćciovaje źniavoleńnie
Stali viadomyja detali abvinavačańnia ŭkrainskaha deputata Šaŭčenki, jaki prasłaviŭsia padtrymkaj Łukašenki
Ukrainskamu deputatu Šaŭčenku, jaki padtrymlivaŭ suviazi z Łukašenkam, vystavili abvinavačańnie ŭ dziaržaŭnaj zdradzie
«Znoŭ źjezdžu ŭ Minsk, usio vyrašym». Ukrainski deputat, jaki pryjazdžaŭ u Biełaruś, zaklikaŭ Zialenskaha da pieramovaŭ z Rasijaj
Šaŭčenka: Kreml chacieŭ by zamianić Łukašenku, i ja viedaju na kaho
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary