«A mianie mienš za ŭsio turbuje, ci zahavoryć Siarhiej Cichanoŭski pa-biełarusku»
Bolš za toje — skažam miakka, ja nie baču ŭ hetym nijakaj palityčnaj nieabchodnaści, piša ŭ siabie ŭ fejsbuku žurnalist Vital Cyhankoŭ.
Pamiatajecie, u filmie «Lepiej nie byvaje» (As Good As It Gets) sarkastyčny hieroj Džeka Nikalsana kaža aficyjantcy: «Just what the world needs… another actress» — «Voś što ciapier śvietu patrebna — jašče adna akciorka»?
Voś što mienš za ŭsio patrebna zaraz biełaruskaj apazycyi, demakratyčnym siłam, — jašče adzin biełaruskamoŭny palityk u emihracyi, jaki budzie kancentravacca na pytańniach movy, kultury, nacyjanalnaha adradžeńnia.
Heta palana daŭno pakrytaja. Tut hienierałaŭ bolš, čym sałdat.
Zahavaryć pa-biełarusku, kab spadabacca tym ludziam (i tamu kankretnamu čałavieku), jakija jaho krytykujuć za jahonuju ruskamoŭnaść — biessensoŭna. Cichanoŭski ad ich litaści nie atrymaje ŭ lubym vypadku. Śviatłana Cichanoŭskaja zahavaryła pa-biełarusku samyja adradženskija rečy — jany palubili jaje paśla hetaha?
«Ach, ja čiem vinovat?»…
— Ty vinovat už tiem, čto chočietsia mnie.. byť lidierom, a ty sam prietienduješ byť lidierom». Značyć, ty — vorah, što b i na jakoj movie ty b ni kazaŭ. Urešcie, jak i ŭsie astatnija.
U Cichanoŭskaha — svoj talent i imidž, svaja funkcyja, i jamu nie treba hrać čužyja roli. Chaj jon źviartajecca da tych ludziej, jakija zastajucca ŭbaku, da jakich nie dachodziać našy tradycyjnyja zakliki. Chaj źviartajecca ŭ toj formie i na toj movie, jakaja hetym ludziam bolš zvykłaja i zrazumiełaja.
I ni ŭ jakim razie nia varta heta ŭsprymać jak «zaraz nie da movy». Ja toj čałaviek, jaki bolš za inšych napisaŭ tekstaŭ pra toje, što mova zaŭsiody na pieršych miescach i jana nie «pačakaje».
Prosta kožny pavinien zajmacca svajoj spravaj — toj, jakuju ŭmieje rabić najpierš i jakaja atrymlivajecca. U kožnaha svaja niša i aŭdytoryja. Siarhieju Cichanoŭskamu histaryčna ŭdavałasia (i budziem spadziavacca, moža ŭdasca zaraz) aktyvizoŭvać «prostych» ludziej, uzdymać šyrokija narodnyja masy, uzbudžać nianaviść da režymu i žadańnie dziejničać.
Ja nie viedaju, jakija ŭ jaho płany i resursy. Ale adčuvaju, što niešta ŭdasca ŭ jaho moža tolki pry ŭmovie, što Cichanoŭski budzie samim saboj, što jamu nie buduć naviazvać peŭnyja pryniatyja «ŭ našym asiarodździ» normy, padychody i maniery. Mahčyma, ludzi stamilisia ad dypłamatyčnych i aściarožnych zajavaŭ, i im chočacca słuchać čałavieka, jaki zaklikaje pasadzić adnaho piersanaža «na koł».
-
«Apantanaści hieapalitykaj, jak u Rasii, u nas siońnia niama». Historyk parazvažaŭ, ci pieražyvuć biełarusy «russkij mir»
-
Kavaleŭski patłumačyŭ, za jaki dyjałoh pamiž hramadstvam i ŭładami jon vystupaje
-
Frydman: Čamu amierykancy raptam pavinny pastavić svajoj metaj vyzvaleńnie palitźniavolenych u Biełarusi i jašče bolš — abmianiać ich na sankcyi?
Ciapier čytajuć
Ihar Tur patraciŭ minimum 30 tysiač na premijalnuju kuchniu FOTA27
Ihar Tur patraciŭ minimum 30 tysiač na premijalnuju kuchniu FOTA
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary