Historyka, jaki pracavaŭ u vajenkamacie ŭ Mastach, asudzili pa cełym pakiecie palityčnych artykułaŭ
37-hadovy vypusknik histaryčnaha fakulteta Hrodzienskaha dziaržaŭnaha ŭniviersiteta Jaŭhien Šlachcionak atrymaŭ termin u kałonii.
U Hrodzienskim abłasnym sudzie adbyŭsia razhlad spravy Jaŭhiena Šlachcionka, supracoŭnika Mastoŭskaha vajenkamata. 37-hadovaha žychara vioski Vialikija Ściepaniški sudzili pa troch palityčnych artykułach:
- uvachodžańnie ŭ skład ekstremisckaha farmavańnia (č. 3 art. 361-1)
- zakliki da dziejańniaŭ, nakiravanych na pryčynieńnie škody nacyjanalnaj biaśpiecy Biełarusi (č. 3 art. 361)
- sadziejničańnie ekstremisckaj dziejnaści (č. 1. art. 361-4).
Pa samym ciažkim z hetych artykułaŭ jamu pahražała ad 4 da 12 hadoŭ kałonii.
Miarkujučy pa infarmacyi z sacsietak, Šlachcionak naradziŭsia ŭ Krasnasielskim u Vaŭkavyskim rajonie. Vučyŭsia na nastaŭnika historyi Hrodzienskaha dziaržaŭnaha ŭniviersiteta. Pracavaŭ zvarščykam i na STA. U 2015 hodzie ŭładkavaŭsia ŭ vajenkamat Mastoŭskaha rajona, dzie zajmaŭsia ŭlikam aficeraŭ zapasu.
Apošni raz Jaŭhien byŭ anłajn u kastryčniku 2024 hoda.
Prysud nabyŭ moc, 11 lipienia 2025 hoda Šlachcionka ŭklučyli ŭ śpis «ekstremistaŭ».
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary